沙丁魚蛋沙律配竹炭黑芝麻法包👍

今日早餐，簡單豐富有營養之餘又美味，超正！竹炭黑芝麻法包我系尖沙咀Donki 買嘅 $15 一條 ，就咁食已經好好食，食落咸咸地之餘仲有陣芝麻香味，我建議買完返屋企200度烘佢3分鐘更加好食，烘完就會外脆肉軟，真系好好食😋

榨菜肉絲煎蛋烏冬

😆今日我同家姐細佬嘅早餐+午餐一齊食🤣 ，😋榨菜肉絲煎蛋烏冬😋 簡單好味👍正…… 

黑椒洋蔥吞拿魚火腿蛋包

 🌞醒晨早餐🤪 🧂🧅🐟🥩🥚🌮 🌮黑椒洋蔥吞拿魚火腿蛋包🌮 👩‍🍳自己做簡單足料又好味，💯每一啖都系吞拿魚，可以一次過整多小小用玻璃盒裝好，放雪櫃，食一星期都無問題的😊 💟呢個吞拿魚醬可以整三文治 其實用途都廣泛 😋仲可以做自制麭包饀料，配多士食，配梳打餅食，或者做吞拿魚撻，酥皮吞拿魚卷等等…… 💥街買果d吞拿魚好小，醬就超多，唔好食🥴

鮮百合紅腰豆蔬果沙律，尖沙咀出名熊仔曲奇，杭州特產

上兩個星期整嘅沙律，依家先得閒整理好post出黎，無辦法家庭主婦系比較忙，唔忙果時又唔願郁，有時間我盡可能都系休息，訓訓訓……哈哈……我第一次用百合整沙律，口感都幾特別，爽甜，今次嘅沙律無加罐頭雜果落去感覺健康好多，無咁甜，用佐紅腰豆，蘋果，青瓜，百合，薯仔，感覺好清新，唔錯唔錯(^_-) 

香蒜肉絲牛油火腿炒天使麵，火腿雜菜沙律，醬燒豬肘骨

曰日食飯到悶悶地，昨日就整佐個炒意粉，呢款炒意粉好好味，我自己好鬼鐘意食，須則好鐘意食但真系唔可以成日炒黎食，真系超級肥的，因為系用大量牛油炒香大量蒜蓉，果陣蒜蓉牛油香味真系無法抗拒……實在太香太好味 !

燒豬頸肉雜菜沙律，芝麻醬/冷辣醬烏冬，煎三文魚，風扇仔

昨晚無煮飯，吃冷烏冬，天熱吃呢d凍野，真系好舒服，好凉爽……上星期日謙謙同學仔媽咪北上去東門買野，佢見到d風扇仔好抵，37蚊一把咋，系香港好多地方都有得買，但賣得都唔平，普遍見到5o~70左右，見37蚊把咁平，我就叫佢幫我買2把，俾两姊弟用，因為呢d天氣去接放學真系好鬼死熱，有佐佢就無咁辛苦喇！

韓醬燒豬寸骨配奇異果沙律

呢個配搭真系好正，好好味，超正！好味到謙謙一次過吃佐4件仲話要食，不過我唔俾佢食，嘻嘻……佢再食我地就無得食架喇，第一次買呢d寸骨整食，完全無諗過會咁好食，真系好掂，下次要買2盒黎整先至够吃，哈哈……我貪得意將其中2條寸骨架佐d香草和黑椒，我覺得好香好好味，但老公就話一般，佢話香草果陣味一般 。

煙三文魚沙律，大蝦煙肉燒雞pizza，什雜壽司，小食并盤(父親節晚餐)

两姊弟(盈盈，謙謙)提早同爸爸慶祝父親節

其實系屋企慶祝父親節經濟又實惠

昨晚我為老公整ge父親節晚餐……

两姐弟話d食物好好味，同埋好豐富 ! 

如果有埋個蛋糕就更加完美喇＼(^o^)／

自製煙三文魚沙律

千島芝士海鮮Pizza ， 芝士蘑菇串燒雞Pizza，蟹籽青瓜沙律，蟹籽雜果薯仔蛋沙律

昨晚我又做無飯煮婦，又唔想煮飯食，突然想吃Pizza，系街買pizza貴到死，唔抵食～為佐慳家，一於自己郁手整黎食……新鮮出爐Pizza真系好好食，好食到我地争住食！两三下就將一大一細Pizza清得一乾二淨……太好味了！

蜜汁金沙骨，蒜蓉蒸北寄具，南北杏木瓜雪耳糖水，鮮雜果薯仔蛋沙律

上星期整的餸……

金沙骨好鬼正，我食佐好多，哈哈(^_-)

北寄北就一般般，第一次買黎蒸，

唔系咁好食，好un……下次唔會再買！

超好味！

意式香草肉醬扭扭粉 , 粟米雜果蛋沙律

謙謙的長假期玩埋今日就要結束了 ,

足足放佐2個星期玩到人都傻 ,

哩排放假真係放到傻佐 , 

昨日盈盈本來要返奧數興趣班的 , 

我竟然唔記得佐 =_=" ,

學校唔打電話黎我都唔知道要返 , 

結果遲大到 , 我真大頭蝦 ,

搞到盈盈遲佐半個鐘先返到去 , 

哈哈........ 真失魂 !

牛油曲奇 , 鮮雜果沙律

因為20號阿囡阿仔學校要舉行聖誕聯歡會，

要家長準備一款食物拎返去，

我見好多人都整燒賣,魚旦 , 腸仔 , 

我覺得整果d好悶 , 

見無人整曲奇 ,  

一於整曲奇俾謙謙拎返去 , 

我依家系度整緊謙謙d牛油曲奇，

一陣要同盈盈整雜果薯仔沙律…

唉………

依家做家長 , 少d精力同體力都死 !