意式香草肉醬扭扭粉 , 粟米雜果蛋沙律

謙謙的長假期玩埋今日就要結束了 ,

足足放佐2個星期玩到人都傻 ,

哩排放假真係放到傻佐 , 

昨日盈盈本來要返奧數興趣班的 , 

我竟然唔記得佐 =_=" ,

學校唔打電話黎我都唔知道要返 , 

結果遲大到 , 我真大頭蝦 ,

搞到盈盈遲佐半個鐘先返到去 , 

哈哈........ 真失魂 !

佢地放假我一定會買多d餸放係雪櫃 , 

唔洗日日去買 ,

因為同佢地一齊去買餸好煩 , 

佢地會不停問我買完未走的未.......

今日又整d簡單而好好味的野 , 

大人細佬都仲意食的肉醬扭扭粉

我仲加佐d香草增加香味添 , 真係好正 , 好好味!!!!

粟米雜果蛋沙律

突然想吃沙律 , 
我就整佐呢個沙律 , 
整沙律的所需材料 . 

想沙律好味d，
我會加2茶匙練奶落去(^_-)

美味沙律大功告成

意式香草肉醬扭扭粉食譜 :

 材料 :
           梅頭豬肉                 剁碎
           蕃茄                         2大個切粒
           意式乾香草             小量
           香草蕃茄醬             半樽
           乾蔥頭                     3粒切碎
           扭扭粉                     大半包

調味料 : 雞粉 / 食鹽         芝士粉

做法 :  

1. 水滾加1湯匙鹽橄欖油再加扭扭粉煮10分鐘隔水備用 ,
2. 燒熱鑊加1湯匙油炒香乾蔥頭 , 
3. 落肉碎炒香再落蕃茄粒炒香 , 
4. 炒完再加香草蕃茄醬和乾香草一齊煮, 
5. 大約煮10分鐘左右加小量雞粉和芝士粉調味 .