黑糖桃膠養生粥

 我第一次煲呢個養生粥，味道不錯👍我吃嘅時候會再加入一小小鮮奶一起吃，特別滑特別香🥰  煲養生粥超級簡單，除了桃膠和黑糖最後落，其餘全部材料浸洗完之後就拎去煲至腍身，最後加埋已發好及洗好的桃膠和黑糖放埋落去煲10分鐘即可以食用!  養生粥材料 : 小米，黑糯米，白糯米，紅棗，紅豆，黑豆，花生，桂圓 ，百合，桃膠，黑糖 

金銀蒜勝瓜粉絲蒸蜆，鼓椒炒聖子，冬瓜栗子粟米豬骨湯

 琴晚嘅晚餐~ 🍛🥣 琴晚用金銀蒜蓉勝瓜粉絲蒸蜆👍味道好正，d粉絲吸佐d硯同勝瓜嘅甜味特別好食😋第一次買聖子返屋企整，用豆鼓蒜蓉尖椒黎炒聖子😍好惹味😍，呢排仲系好熱，得閒就煲返一煲冬瓜湯消吓署，見雪櫃仲有小小栗子，於是放埋落去煲，呢個冬瓜栗子粟米豬骨湯真系好清甜，阿囡話好好飲喎 !

蔥油拌麵(刀削麵)，自制蔥油

💃 自家製作蔥油，用黎撈麵吃，做法超級簡單，但好好味，蔥油實在太香了 ! 除了撈麵或烏冬之外，亦可以淋上已蒸熟的海鮮，魚肉 ，雞肉上面伴食用 ! 真系超級香 ! 😋

惹味大排檔雞煲

 😜想食雞煲自己動動手就可以食到架😋買隻雞加1包醬再加小小配菜，炒佢幾炒，話咁易就有惹味雞煲食😍自己整要幾辣有幾辣，乾淨衛生，經濟又實惠👍 如果喜歡打邊爐的話可以原煲夜上枱食 ，食完加上湯或滾水就可以繼續打邊爐架喇!

蝦子小蝦米酸豆角火腿蛋炒飯

 今日放假~ 又黎早餐+午餐一齊黎，快靚正~ 哈哈……

🍳蝦子小蝦米酸豆角火腿蛋炒飯😋😋每一粒米飯都沾上蝦子🦐非常香👍非常好味🥰  👫我兩個小朋友好喜歡食呢個炒飯😍 大家喜歡就試吓炒呢個飯黎食吓喇，真系好正架！