川貝陳皮燉檸檬

呢個燉檸檬一年四季都岩飲，可以一次過燉多d慢慢飲，有時喉嚨乾涸又或者有輕輕咳都可以做到舒緩作用嘅，呢個燉檸檬系超濃縮的，就咁不黎食都得，加水沖泡飲用，凍熱水都得，當然想功效好最好系用熱水沖喇！功效 ：止咳，化痰，潤肺，理氣，滋潤喉嚨 ，記住我今日介紹呢個燉檸檬并非藥物，純粹是保健飲品 !

麥冬蘋果雪梨石斛雪蓮果湯

呢幾日喉嚨有d乾，今日放假煲返個清潤湯水滋潤一下身體先得😊 呢個湯好清甜好滋潤，唔錯，好飲！

菜乾蠔豉燒豬骨粥

 秋天要防肺燥，最好煲些金、銀菜湯或粥，又或清潤湯水飲用等，天天氣涼涼地食碗熱辣辣嘅粥真系好舒服，今日呢款粥下火一流，可以清肺熱，喉嚨唔舒服煲呢款粥食用超級正！

老公同事屋企打邊爐+蒸氣鍋

 感覺好耐無打邊爐了，琴日老公同幾個好老友嘅同事話打邊爐，我就要返工嘅，放佐工就自己搭車去老公同事葵芳屋企，而老公阿仔阿女同另一同事就去荃灣買海鮮食材同處理海鮮，屋主老婆就買丸類同蔬菜，一路食野一路傾計，玩到12點幾先走，哈哈……返到屋企都1點幾了，嗱嗱林去冲涼訓覺(*^ω^*) 老公同小朋友繼續放假，而我就要返工嘅(*'へ'*)

竹芋粉葛紅蘿蔔粟米栗子豬脷湯，蔥油豬脷，蠔油炒西芹

 早幾日見到街市有竹芋賣，於是買佐3條，見d粉葛都好靚，細細條正常系好嫩，突然想食豬脷，一於一齊買埋返，今日放假就留系屋企煲吓湯，訓吓覺休息吓就算，無必要我系唔想落街的，依家好多時一次過買幾日餸，懶得日日去街市…… 

肉絲炒紅蘿蔔，火腿炒青瓜，煎豬扒

 簡簡單單嘅家常餸菜，越簡單越好味，例如今日炒呢個炒紅蘿蔔絲，簡單咁用蒜頭爆香肉絲跟住放紅蘿蔔絲落去一齊炒至軟身，最後加小小鹽，麻油同芝麻粒落去炒匀即可，好香好好食！

香芋臘味糯米飯

 🍂🍂秋風起又系時候吃臘味喇😬今日整返一煲香芋臘味糯米飯食下先，一開飯煲盖就閒到香噴噴芋頭香味同臘味嘅香味味~ 有味飯真系好好食，臘味其實好隨意的，你喜歡咩臘味都可以放落去，我今次放臘鴨脾，瑶桂臘腸，香芋，粘米與糯米系2比1，糯米唔需要浸嘅，直接煲，同平時煮飯一樣，只系煮佐一半時間就放材料落去繼續煮到飯煲好，最後加小小煲仔飯豉油落去撈勻即可以食！

煙肉腸仔蘑菇香蒜芝士白汁意粉

放假煮返個意粉食吓先，我喜歡買金寶呢d罐頭濃縮白汁黎煮嘅，佢有好幾款味道的，整體都唔錯，我最鐘意買芝士白汁，佢簡單方便快捷之餘又好味，真系好正！

藍苺香蕉鬆餅，乳酪朱古力鬆餅

同一星期出現2個颱風🌀🌀⚡🌧🌩颱風【獅子山】完佐之後跟手又黎一個颱風【圓規】，勁呀～ 🤔幾時黎個榴槤颱風呢？ 哈哈……

打風唔好周圍去，最好留系屋企整吓野食睇下電視訓下覺，咁就最好喇，😁今次整鬆餅唔洗打蛋器好方便嘅，全部野撈匀就搞掟，就系咁簡單😆預熱焗爐先，再200度焗15~20分鐘(視乎焗爐溫度而定)💥撈粉時記得輕力撈到無乾粉即可以👩‍🍳過度用力撈d粉會起麵筋到時個鬆餅就唔鬆軟架👌，😅今次無特定份量，我憑感覺🤣 亂咁黎，我幾驚失敗…點知又成功佐😅😛份量一包熱香餅粉，2小匙羹泡打粉，2只蛋，小小粟米油，3條香蕉壓成蓉，3份1盒奶，小小黄糖，藍梅乾適量 (其實可以唔加黄糖都可以) 

紫薯椰奶西米露

🍠🥥🍼紫薯椰奶西米露😋

💕第一次煲呢個糖水…

呢個顏色好靚😍😍😍 

🤗好睇又好食👍好正！

沙參玉竹響螺頭雪梨雪耳西施骨湯

 入秋很易出現皮膚乾燥喉嚨乾涸等……呢個時最好就煲返d滋潤湯水或糖水滋補一下 🍂今日介紹呢款湯水系秋季必飲湯水之一 🥣 滋潤養顏，潤肺，舒緩皮膚乾燥 ~ 此湯水香甜濃郁，好好飲架， 材料如下：西施骨，乾響螺頭，乾紅螺肉，新鮮雪梨，乾雪梨，沙參，玉竹，雪耳，海玉竹，百合，南北杏，無花果，陳皮 💥中醫有教秋季要食多d白色嘅食物，功效主要是滋潤為主！

豉汁蒸粉腸，豬軟骨炆蘿蔔，蒜蓉炒青瓜

粉腸食得多，我多數買黎加埋豬潤瘦肉一齊煲粥食，我同老公都好鐘意食，但系拎黎蒸嘅話側系第一次，原來蒸粉腸味道系好正架，送飯食一流，我真系無諗過咁好食，蒸粉腸呢個餸我系小紅書果度學返黎嘅，超正呀……

粉腸洗乾淨切段拖一拖水，浪乾水份備用，之後調教個醬汁，醬汁做法系：(蒜蓉，薑蓉，蔥花)全部切碎，加入豆豉，豉油，蠔油，小許糖，生粉，全部拌勻，將2匙羹油用鑊煮熱之後淋落去醬汁上再拌匀，最後加入粉腸撈勻拎去大火蒸6分鐘，放小小蔥花系面，即可!

花旗參石斛麥冬螺頭湯(附食譜)

 我咁大個囡第一次煲石斛湯，系我印象中我阿媽從未煲過石斛湯俾我飲，結婚咁耐我好似未見過奶奶煲石斛湯，我系藥材鋪好常到有石斛賣，但從未買過，今次系我第一次買同第一次煲，點解我會買呢？事原系咁嘅……某日我系Facebook見到「樓上」做特價，我見到佢介紹石斛嘅功效都唔錯，所以就買黎試一試，從未煲過所以上網搜尋佐石斛湯，好多都系介紹用花旗參麥冬加石斛黎煲，我見屋企有螺頭系度，一於放幾隻落去煲，煲完出黎呢個湯好好飲，好香螺味，加上我放佐d栗子落去，所以更加香甜，好正 ! 

香草海帶綠豆沙

 好耐無煲過呢款糖水食了，突然相食就煲返一煲黎食吓先，我以前煲綠豆沙唔識得放臭草的，自從系B仔食過佢哋果綠豆沙覺得好食同香d先知系加佐臭草，臭草陣味好特別，我發覺加佐落去系正好多，今次加蔗糖落去中和下綠豆嘅寒涼，味道都好d！

沙丁魚蛋沙律配竹炭黑芝麻法包👍

今日早餐，簡單豐富有營養之餘又美味，超正！竹炭黑芝麻法包我系尖沙咀Donki 買嘅 $15 一條 ，就咁食已經好好食，食落咸咸地之餘仲有陣芝麻香味，我建議買完返屋企200度烘佢3分鐘更加好食，烘完就會外脆肉軟，真系好好食😋

豉油鵝，豬潤瘦肉枸杞湯，香煎牛扒

咁耐以黎第一次買冰鮮鵝黎煮，呢售鵝唔算大隻，但系好肥，肥得好緊要，驚唔系咁好食，所以先煮半隻試下先，煮完出黎味道好好，我覺得隻鵝系老佐d，因為我已特登煮耐一D架喇，但d肉都系好韌唔諗，枸杞亦系我第一次買黎滖湯，幾好飲，唔錯！

醬燒金沙骨，蒜香豆乾炒浦瓜，炒飯

好耐無買金沙骨黎食，見街市d金沙骨幾靚就買d黎整吓燒排骨，太耐無食突然覺得好好味好正，甫瓜平時我見得多，但未買過黎食，今次系我第一次買黎煮，食落個感覺都幾特別，唔錯，再黎個簡單炒飯，搞掟，咁又一餐喇! 

生煎冬菇蓮藕肉餅

 肉餅我相信大家都食過唔少，但系生煎冬菇蓮藕肉餅你食過未呢，生煎特別香口同特別好食，用慢火將外皮煎到香脆，真系好香好好味同埋有好多汁架，如果覺得煎野煩唔想煎，你亦可以選擇簡單d方法，就系直接拎肉餅放入碟，用大火蒸佢10分鐘就可以，一樣咁好食，只系無咁香口咁囉～ 

我的新玩具⇒鋳鐵鍋，煎雞扒，蠔油蝦米炆節瓜

我嘅新玩具 ⇒ 鋳鐵鑊同煎扒坑紋鍋，睇佐好耐亦考慮佐好耐先買嘅，哈哈……呢d鋳鐵好鬼重架同埋要每次用完都要做返個保養，否則就好易生銹的，我上個月系淘寶買嘅，價錢合理唔貴，用了一段時間發覺佢哋非常之好用，完全唔痴底㗎，真系好重，重得好有份量，炒野好有鑊氣，佢哋系純生鐵黎嘅無涂層的，越用越鐘佢哋地，哈哈~ 

老豆生日

上年疫情嚴重無同老豆同媽媽慶祝生日，今年疫情好返d我地就約埋一齊去同老豆食飯慶祝，一家人坐埋一齊食飯有講有笑好開心好幸福！祝老豆生日快樂，身體健康，日日都開開心心，希望疫情快d結束!

煙肉鮮蘑菇香蒜薏粉

成日食飯食得多都有d悶，今日黎個簡單嘅煙肉鮮蘑菇炒意粉，已經好好食，好正! 

藥膳瘦肉烏雞燉鹿尾巴

上個月頭老公無喇喇唔舒服，要入廠維修，系屯門醫院住佐幾日，你知啦醫院依家疫情其間實施嘅政策系謝絕探訪(即系完全唔俾人探訪) 老公話住院果幾日辛苦之餘亦無啖好食，住佐一星期成個人瘦佐差不多10磅，唉~ 見到都心痛，見佢身體依家慢慢復元，咁就安心d，所以有時間就燉d湯俾佢補一補身！

升中派位大日子

阿仔6年嘅小學生活即將結束了， 早前進行嘅中學自行收生階段細佬無被取錄，所以要參加教育局舉辦嘅統一派位，今日就系公佈升派位嘅大日子，幸好細佬派到第一志願，未收到結果前果-刻我個心情真系緊張，好怕派得唔好，要去叩門，我亦知叩門嘅機會好細，但如果派得唔好都會去叩門試吓，托賴可以派到第一，果心即刻輕一口氣，細佬嘅同學仔大部分都派第一志願，真替佢地開心 ! 

榨菜肉絲煎蛋烏冬

😆今日我同家姐細佬嘅早餐+午餐一齊食🤣 ，😋榨菜肉絲煎蛋烏冬😋 簡單好味👍正…… 

老公生日

🥰老公生日~ 🎂祝老公生日快樂，身體健康！！！ 老公生日簡簡單單一家四口系屋企吃餐飯已經很開心很滿足了，因老公生日前一晚佢嘅老友已請佐老公同我一齊出街食放題慶祝生日了!

 

父親節快樂，章魚節瓜淮山栗子鴨腎豬骨湯

 🥂🧔🧔爸爸節快樂🎉🎉🎉 🤗祝天下所有父親都幸福快樂🥰身體健康💪開開心心💞  👩‍🍳一早煲定靚湯孝敬為家庭默默付出勞苦功高嘅老公👨再次祝天下父親父親節快樂，各位父親辛苦了!

2021鎐柱蛋黃咸肉粽

又到端午節了，大家食佐粽未呢？ 

今年包佐小小粽應吓節就算了~ 因為過往包得多就要食好耐好耐先至食完，小食多滋味，食得多就唔願食，哈哈~ 

好正嘅海鮮餐~

 🤭我今晚做無飯煮婦~🤣🤣🤣唔煮飯😅净系煮餸同煲湯~

麻婆豆腐，蕃茄豬肉丸炒蛋

 呢兩個餸菜經濟又實惠，簡單得黎用佢哋黎送飯絕對無得輸…… 飯都可以吃多兩碗~ 哈哈^^

章魚蓮藕豬骨湯

 老公近排飲湯飲上隐～ 老公話我用砂煲煲出來的湯特別好飲，又叫我煲湯…😅唉呀…真系砂煲惹的禍😆😆😆我今日又要煲湯了~

黄薑雞，蒜香豆苗

 簡簡單單，買佐一隻冰鮮雞用佢整黃薑雞飯食，呢款雞嘅肉質好結實，唔講真系以為佢系新鲜走地雞，質感好靚唔肥好好食，d皮又簿，真心正!  值得再買黎食……

梅子酵素

前排見到佳寶d青梅好抵買，20蚊有4磅咁多，嘻嘻…我又忍唔住手了，買佐8磅，拎佐4斤來做青梅酵素，其餘果d青梅就放落去浸酒，因上次浸梅酒買少佐青梅，哈哈~ 期侍我嘅青梅酵素製成品…

2021浸青梅酒

🍹又黎浸梅酒喇😁……今次青梅酒變黃梅酒~ 😅事關我早兩日放假已經買定d梅，今日再去買酒，天熱d青梅都變佐做黄梅，哈哈~ ~ 需然放多佐两日變黄佐，但多佐陣梅香味，幾正喎!

抵食海鮮餐

琴日放假同老公一齊出荃灣食野順便去楊屋道街市買海鮮返屋企煮，果度d海鮮真系抵食，全部海鮮加埋$400都唔洗喎，赤米蝦$80一斤，九節蝦$120一斤，瀨尿蝦$60一斤 ，東風螺$30一斤，燒腩仔$68一斤，買佐一大碟都系$90 ，大大個菠蘿都系20蚊2個，買餸前仲同老公去佐唯一食酸辣米線，好好食！

香椿菜火腿炒蛋

 🤪我真系大鄉里出城🙈人生中第一次買同第一次食😅😅買菜時見到呢d唔知道系乜東東🙄 於是問菜檔阿姨，佢話呢個系香椿呀8蚊1扎，功效好好架，唔系成日有的賣，你買扎返去试吓 之但系……我同菜檔阿姨講我從未試過呢d香椿喎，佢d葉紅色嘅系咩味道架，菜檔阿姨話系有香味嘅，好好食架，你買1扎返去試試，返去拖一拖水之後切碎用黎炒蛋，好香架! 我拖水時覺得d味道一般怕唔好食，於是去雪櫃拎兩塊火腿切碎佢放埋落去炒😆，炒蛋有火腿咁點都唔會難食得去邊度喇呱🤣🤣……食完之後我又唔覺得d香椿好香喎，哈哈~ ~ 一試無防🤭

章魚丸子海鮮忌廉芝士白汁螺絲粉

成日煮飯食，食飯食到悶悶地簡簡單單系超市買罐金寶湯意粉醬咁樣整個白汁螺絲粉食，加埋一d自己喜歡嘅材料落去，系咁煮一煮佢，真系好好味，好味過出街買果d白汁意粉，餐廳買果d白汁意粉有時貴得黎系超唔好食，真系好好食果d又好鬼貴喎!

土伏伶粉葛去濕湯，XO帶子炒西蘭花，手撕雞

 近日濕氣比較重……琴日朝早濕度好高有90%，令到整個人的身體容易攰和很易皮膚痕癢今日放假要煲返一煲去濕毒嘅湯水黎飲一飲，要趕走晒身體嘅濕氣同毒素先得，為佐增強去濕效果我額外加佐生熟薏米同花豆，花豆去濕功效好好!

👩‍🍳今次煲湯材料有以下呢d ⇒ 生熟薏米，赤小豆，扁豆，花豆，蜜棗，陳皮，新鮮土伏伶，鑽地老鼠，粉葛，豬踭肉

🫕豬踭肉和土伏伶，鑽地老鼠要拖一拖水，之後將所有材料洗乾淨，加水煲2~3小時，加食鹽調味即可 !

鎐柱滑雞粥

 太耐無煲粥食，見有雞系雪櫃度一於拎半邊雞出黎即時煲粥做早餐食，阿仔同阿女唔食粥，所以今次煲得唔多粥，半煲就够晒我兩公婆食，因突然話煲粥關係所以無買油炸鬼，牛脷酥同炒麵，净系食粥就算，仲要系一人兩大碗，哈哈~ ~ 系咪覺得好誇張呢，真系一d都唔誇張架，我同老公真系一人食佐2大碗，我兩個真系好喜歡食粥架 ! 食完果吓真系好滿足同好飽，去完兩次廁所之後………好快又肚餓，因粥系易消化d !

鎐柱滑雞粥

酸辣湯，迷你馬蹄魚肉炒韭菜花，榨菜蒸脢頭豬肉

 🥣第一次煮👉酸辣湯😋………味道還可以😜 但系…🤫吃佐一半先至發現我唔記得佐放雞蛋落去😅~   😂即刻搬返入去加返隻🥚蛋先~~🤣 無得唔認自己年紀大，真系越來越無記性， 想唔認老都唔得喇~ 😄

雙菇雲耳蒸滑雞(附食譜)

我大大話有年幾2年無用雲耳蒸過雞喇，前排系新北江買佐隻冰鮮黄油雞， 呢款黄油雞嘅肉質好好食，佢d肉唔系腍啤啤架，食落口好有咬口，系走地雞嘅質感，食落口完全系新鮮雞嘅質感好有雞味同甜味，推廣價55蚊一隻好抵食 ，果度嘅老闆話貨量唔多，賣晒就無，我有一次去買好早已經話賣晒，我今次系第二次去幫襯佢，今次一買就去買，仲買佐2隻添，一隻系老闆推介嘅黄油雞，已買過黎食好食再買，另一隻系麻香雞(老闆話呢款肉質更好)，今次系用黄油雞，用佐半邊黎蒸，已經有一大碟喇，老公話好好食，其實上次買黎煮咖哩同煮雞酒，試過質地好好，所以今次用佢黎蒸，哈哈 ~ ~ 好好食 ! 

香脆格仔餅

 買佐呢包韓國熱香餅粉都好耐了，放系廚櫃一直無整，琴日放假執廚房櫃見到包粉，拎佢出黎玩吓，首次自制格仔餅，即整即食好正，脆卜卜 ，第一次玩呢個格仔餅模，好玩~ 又好食， 仲有一個模未試，冬甩模……下次拎佢出黎玩， 呢部機有3個模架，細細部機仔，唔阻地方，易收藏幾好，雙11時我系淘寶買的，100蚊左右好抵玩，哈哈 ! 

李子柒柳州螺絲粉(加辣加臭版)

自從系淘寶買過螺絲粉食之後我同一對仔女便愛上了，酸酸辣辣真系好好食，但系我老公極唔喜歡，佢話好臭喎，哈哈~ 淘寶上面嘅螺絲粉有好多牌子，我食了好幾款，最終都系喜歡食李子柒呢個牌子，佢嘅味道好岩我同阿仔阿囡食，同埋佢有好多配料，細佬唔食得太辣，佢食嘅時候就只會小小辣油就算，阿囡同我食得辣d，我成包辣油加晒，好正架! 我之前一直買黄色包裝黎食，但俾我見到有紫色包裝系加辣加臭版我更加要試，不得了，紫色呢款更加正，好好味辣得好過引，哈哈~ 雙11做優惠時我一系唔買一買就買佐幾箱，我一放假就間唔中會煮黎同對仔囡食，食佐一段時間，但無寫出黎，嘻嘻……今日食完又得閒就寫吓，食完下次再買……🤣🤣🤣

韓式泡菜炒飯

用自已醃製嘅泡菜拎黎炒飯真系好正好香，呢個炒飯材料好簡單，用自製泡菜切碎，魚蛋切粒，豆腐乾切粒，雞蛋，韓國辣醬，大火炒至乾身即可，好簡單架咋，呢個韓式泡菜炒飯每一粒飯都沾滿泡菜味，辣辣地好惹味，老公同阿仔囡都大讚話好好味!叫我得閒再炒……

初七人日＆初六昂平360行大運

 今日系大年初七🎊我系呢度恭祝大家初七人日 🎂人人生日快樂~ 身體健康~萬事如意…… 😊早幾日初三大嫂問我有無咩節目，我答佢無呀，初三我要返工喎，初六先再放假，你系咪想搵我去玩，佢話我想你帶我去玩😅我話新年無咩地方好玩喎，最多去行吓大運上大佛果度吸吓靈氣咁囉，哈哈大笑~ 大嫂佢竟然話好喎，佢哋從未去過叫我帶隊，無問題~ 咁一於同佢哋去行吓大運……上到去買360票果度先知大佛維修，唉~ 真失策! 

2021牛年快樂

🥂2021🎉Happy🐮year🍻🎊 

🎉恭喜發財🥰 大年初一 ✴  

👩我在此恭㊗️大家及我嘅親朋好友系新一年👉身體健康，事事順利，笑口常開，心想事成，萬事如意，財源廣進，豐衣足食，百毒不侵，恭喜恭喜！！！💓💓💓😁😁😁💖💖💖🤗🤗🤗💞💞💞  一如以往每年一聚，老公d兄弟話要上黎拜年，同埋要食飯，所以我大年初一我又要煮大餐喇~ 早上煮多d，夜晚繼續食，年年有餘，哈哈…😊

年三十晚的團年飯

年三十晚的團年飯系奶奶屋企食~ 食飽就拿拿淋返屋企执埋d野，迎接新一年，要過新年喇 ! 

鎐柱臘味蘿蔔糕 (更新 : 已加食譜)

 呢兩日真系忙到不得了，要执屋之餘又要買野又要整糕，真得好攰，忙到連我自己喜歡食嘅芋頭糕都未得閒整……今年同往年一樣都系自己整，今次系有史以黎整得最多嘅一次，買佐11斤蘿蔔，用佐1包半粘米粉整，製成品有10個，每個有1斤多d，我覺得始終自己整點都比街買的好，自製一定足料些，味道亦會好一點，所以老公每年都問我整唔整蘿蔔糕，我每次都回答佢，你想吃我肯定會去做，看到她們吃得很開心的樣子，就算幾辛苦都是值得的!

結婚14週年快樂，海港盆菜，章魚蓮藕湯

 時間過得真系好快，眨眼間謙盈媽結婚14年喇，祝我哋結婚14週年快樂💏 ，👨‍👩‍👧‍👦一家四口繼續互相體諒，互相支持，互相包容，合作無間地🤝一齊手拖手咁幸福走下去……🥰

辣炒四川臘肉

繼上次用蘿蔔乾炒湖南臘肉，今次唔用湖南選用四川嘅五花臘肉，呢款呢煙燻味無咁勁，但都幾咸吓，所以要用水烚耐，咁就無咁咸，用蓎芹同蒜仔炒，本想加d指天椒落去炒辣d好味d，但諗起阿仔同阿囡都會食小小嘅我就費是整咁辣，改用2匙羹老乾媽放落去炒，我兩個小朋友好喜歡老乾媽辣醬架，唔會太辣但好香，加佐落去炒成碟餸惹味好多架!

鰻魚炒飯

日式鰻魚炒飯，系我第一次炒呢個飯，味道真系唔錯，本身我對鰻魚真系一般般，但系我老公同阿細佬就好鐘意食嘅， 我見冰箱仲有幾條鰻魚(老公買嘅)， 於是我拎佐1條黎炒飯俾佢哋食，佢哋話個個炒飯好食，我又試佐小小覺得唔錯，俾想像中好，拎鰻魚黎炒飯炒完出來我又覺得d鰻魚幾好味喎 ，可能系我自己親手炒嘅問題呱，哈哈……真系覺得特別好味 ! 如果叫我純粹食鰻魚，我食一啖就算，鰻魚我真系一般!