鮮百合紅腰豆蔬果沙律，尖沙咀出名熊仔曲奇，杭州特產

上兩個星期整嘅沙律，依家先得閒整理好post出黎，無辦法家庭主婦系比較忙，唔忙果時又唔願郁，有時間我盡可能都系休息，訓訓訓……哈哈……我第一次用百合整沙律，口感都幾特別，爽甜，今次嘅沙律無加罐頭雜果落去感覺健康好多，無咁甜，用佐紅腰豆，蘋果，青瓜，百合，薯仔，感覺好清新，唔錯唔錯(^_-) 

好耐之前已聽到人地話熊仔曲奇好出名同好好食，但唔平，仲話好多遊客特登要黎香港買呢款熊仔曲奇食，今次系大佬同大嫂買返黎俾我地食，我有幸試到，我個人覺得無咩特別，呢度咁細盒要成100蚊，真系好唔抵食囉( ´▽` )

月頭大伯同大伯娘去杭州西湖玩，買佐d手信返黎俾我地，狗屎糖我第一次聽，包裝話吃佐狗屎糖會行狗屎運喎……仲要系怪味，哈哈，真系搞笑，佢話系怪味，我真系好有興趣試，結果我試佐半粒，d味主要系花生味但奇怪系d糖又咸又甜，所以話系怪味……另外果2盒唛糕唛糕一d都唔好食，真系好睇唔好食←_←