婚後第一次整糖不甩，我結佐婚9年喇，哈哈……時間過得真系快，我唔經唔覺做佐9年家庭主婦，呢份工真系唔易做，少d體力勞動力及智力都死，婚後頭3年同奶奶同住時我已經系家庭主婦了，只系唔洗我買餸，老爺奶奶負責買餸同間唔中幫忙湊小朋友，我就負責煮煮煮，做家務同湊小朋友，好處系我間唔中可以休息下同蛇皇去行吓街，自從同奶奶分開住更加唔洗我多講，直頭系我自己掌管一切(一腳踢，做到頭都痕埋)，全日24小時on call任勞任怨，屋企大小二事都系我自己一個人搞掂……我有時真系服佐我自己，做到死死吓病病吓都系會繼續做，有時真系覺得自己系鐵造的，嘻嘻……日做夜做需則系辛苦，但我見到老公同一對仔女每日都健健康康咁過著每一日，而我煮嘅野佢地都食得好開心，作為老婆同媽咪嘅我，只要見到佢地開心，就算要我做幾咁辛苦嘅工作我都好樂意去做，幾辛苦都系值得嘅！
兩姐弟同老公都系第一次食我整嘅糖不甩，佢地話d糖不甩煙煙韌韌好好食，阿囡話d糖不甩好似咖哩魚蛋，哈哈……我開頭以為屋企有好多花生，點知把開雪櫃一睇完來得返小小，所以拎佐小量腰果同開心果整碎，代替花生，我覺得腰果加開心果配糖不甩食，味道一般，我個人認為花生碎，蛋絲配糖不甩味道系最正宗同最好食的！我細個嘅時候我媽媽好常整糖不甩俾我幾兄弟姐妹食的，好有兒時味道同回憶，阿媽無教過我整糖不甩架，我細細個净系系廚房幫阿媽將炒好嘅花生退衣之後整碎d花生同埋切蛋絲，今次我系靠自己細個時系廚房睇阿媽嘅做法同步驟去做返出黎架咋，今次整出黎嘅味道同阿媽嘅有9成似樣，好開心呀…
 |
| ：）4個人兩三吓就吃晒，哈哈…… |
以下呢3款甜品系我姪女帶我去食的，月頭同姪女系旺角行完街，行完街我問姪女吃唔吃野，佢話我想食甜品，但系太子，跟住我同佢一齊行路去吃，最失望就系佢地嘅糖不甩，賣相非常差，d糖不甩又淋吱吱同埋d饀整得唔好食，又唔系平架喎，成20蚊一碟仔糖不甩，好似得8粒，完全唔掂，最好味系芒果腸粉，肠粉皮系用椰汁做的，味道幾好味，雪糕紫米小丸仔不過不失，2個人吃佐3樣甜品，埋單差不多100蚊，所以我覺得一般，無麥特別……試吓無防(^_-)
嘩，好多甜品呀！！！
回覆刪除自己做過就知有幾辛苦，真係好佩服家庭主婦，簡直係成頭家嘅 "經理"，真係乜都要經佢理至掂，所以就更加尊敬同欣賞單親家長！
家庭主婦已經系辛苦，但單親家長就更加辛苦，真系有苦自己知＝0＝
刪除但係唔駛同奶奶住自由D喎:D
回覆刪除糖不甩唔難整呢，不過我都係整過一兩次~~~
的確系，分開住真系自由好多好多㗎，所謂相見好同住難，呵呵……
刪除未食過加蛋絲嘅糖不甩，好特別喎！
回覆刪除做家庭主婦真係唔容易，而家重有好多人以為家庭主婦好鬼嘆，好少嘢做…(TAT)
你得閒試吓整糖不甩+蛋絲一齊吃呀，好好味㗎！
刪除可能我細細個時已吃慣唔覺得特別，加佐蛋絲香好多.
因為果d人無親身感受到做家庭主婦，所以覺得好嘆，如果叫佢做一日家庭主婦咁多，佢就唔會咁講架喇……咁其實做家庭主婦系忙碌過返工好多倍，d家務做極都做唔完(>﹏<)
加蛋絲嘅糖不甩，真係未食過喎，但好靚呀！
回覆刪除小月你得閒試吓整黎吃呀，加佐蛋絲一齊食香好多架，好好味的！要用熱水加糯米粉一齊搓，d糖不甩煮出黎先會煙韌d好食d架(^_-)
刪除