咸湯丸(附食譜)

今朝早老公訓系床問我一陣煮咩食，我答佢唔知煮咩好，俾我訓多一陣，再諗吓煮咩先轉頭答，訓醒俾我諗起新年前整年糕用仲剩佐一包糯米粉，費事d粉放得耐有"焊'' 味，唔諗咁多今日一於用糯米粉煮咸湯丸食，^^好好食的~ 同埋做法其實都好簡單，湯丸配料亦好隨意，雪櫃有咩放咩就可以，無特定配料的，配料最緊要自己喜歡食! 阿囡一起身問我食嘜，我叫佢自己睇，佢一望就話大雜會呀嘻嘻，媽咪你今日又黎一次過早餐+午餐一齊食呀哈哈，我答佢系呀，我呢排懶呀嘛，唔想煮完早餐晏小小再煮午餐，所以一次過煮多d早餐食完晏d又可以食! 快~靚~正~呀~

咸湯丸食譜

(份量隨意)

材料: 娃娃菜，豬肉，乾冬菇，魷魚乾，蝦乾，鯪魚肉，蔥段，薑片，糯米粉，水，食鹽

做法: 1，乾冬菇浸透切片，魷魚乾先浸水，浸軟後拎走軟骨，在有軟骨的一邊切格仔紋，豬肉同娃娃菜切絲備用

2，燒熱鑊煎香薑片同蔥段，落豬肉絲同魷魚乾炒香，起鑊，之後用白鑊炒一炒冬菇同蝦乾

3，煲一煲水，水滾後放入已炒香的材料同娃娃菜落煲煲15分鐘加食鹽調味

4，糯米粉加水慢慢搓，搓到到成團後，搓成條牀再搓成粒狀，放落已煲滾的水中，中途要搞一搞湯丸，以免痴埋一齊同痴煲底，當湯丸浮上水面代表已熟，不起佢放落步驟3的湯裏面即可食用!