陳皮大家應該唔會陌生，我煲親湯多數會放一塊陳皮落去嘅，系我阿媽教的，佢話煲老火湯最好放塊陳皮落去，佢教我話陳皮會中和吓d湯嘅涼性同對身體好，有止咳化炎功效的，其實陳皮仲有好多功效嘅~ 我之前買親陳皮大多數去藥材鋪買的，買d靚d嘅陳皮都幾貴吓架，前年我行街見到好多人買呢d陳皮，賣嘅人話年份不足一年嘅皮佢地唔會叫做陳皮叫做桔皮，叫得陳皮一定要3年以上，叫我買返去放陰涼同乾燥地方摆，耐唔耐就拎出黎晒下太陽就可以，我見好多人買應該唔差，我又貪得意買佐2斤返屋企摆，摆佐系雪櫃頂，一摆就系2年了，顏色都變深色了，開始有陳皮嘅香味，時間過得真系好快，上個月尾行街又見到佢地摆，今次我又買佐小小，净系買佐一斤3年嘅皮，賣嘅人話一般家庭用3年嘅陳皮已經可以了，3年陳皮已經好香，可以用黎煲湯焗水飲蒸魚等等~ 10年以上嘅陳皮味道更加香，10幾年嘅佢地都有賣，不過有d貴，哈哈~ 我呢d小家庭用d粗粗地嘅3年皮已足夠了，一斤有排用了!
呢排太多假放，一放假就留系屋企整吓野食或者执吓屋，突然間諗起我好耐之前買嘅陳皮，拎出黎一睇，發覺有小小潮濕，還好無發霉，見潮濕就要俾太陽晒一晒乾系最好的，但我懒得拎落街晒，唯有放系焗爐用低溫烘一烘便算了~ 烘之前見有粉狀野要整乾淨佢先，否則時間耐了就會出現小蟲蟲架喇……
 |
| 用牙刷刷乾淨便可 |
 |
| 好靚! |
 |
| 低溫烘焙 |
 |
| 烘乾完放涼才可以放返落袋 |
 |
2018年買，已經放了2年，
顏色變深了，開始有陳皮嘅香味了！ |
 |
| 2018年買的 |
 |
膠罐裝住的是3年陳皮
上個月尾買的，現在用緊~ |
沒有留言 :
發佈留言