香蔥芝士紫菜肉鬆咸蛋糕(附食譜)

💃今日放假我又整蛋糕喇👩‍🍳🍰今次整嘅系新口味😜亦系我第一次整嘅紫菜肉鬆，仲有芝士🧀🧀【香蔥芝士紫菜肉鬆咸蛋糕】好正，好香，好好食👍細佬同家姐都話加佐芝士好好味，食完一件又一件，食唔停口，咸咸地的確系好好食，唔似得其他芝士蛋糕甜同漏，呢款蛋糕用砂糖份量唔多，就算食多兩件都唔怕肥 ! 下午茶或早餐食呢款蛋糕再加杯鮮奶或者咖啡，嘩~ 正到爆😂😂😂

^ 0^食譜已經寫好了, 在最後面 !

👩‍🍳做法同上星期做嘅伯爵茶戚風蛋糕系一樣嘅，只是材料變佐小小，所需要材料同份量在其中一張相片上有寫上，想食嘅朋友們就動動手喇，跟我寫出黎嘅食譜試吓做，如果唔想整咁多可將份量÷3，1份量可做一個6吋蛋糕模，2份量便是8吋，自己應份量喇，制成品味道真系好正架，若然有d材料唔喜歡可以唔放的，例如蔥或芝士，芝麻……😊

香蔥芝士紫菜肉鬆咸蛋糕食譜

材料: 雞蛋9隻，低筋面粉180g ，砂糖 40g，粟米油 40g, 鮮奶90g，鹽 3g , 

紫菜肉鬆適量 , 車打芝士適量 , 芝麻小許 

做法: 

1，雞蛋要將蛋白，蛋黃分開

2，用手動打蛋器將鮮奶 , 蛋黄和一半砂糖拌匀，之後加入粟米油再次拌勻，然後加入鹽和已過篩的低筋粉拌勻

3，在另一大碗用電動打蛋器打發蛋白至大泡泡出現，之後分了次加入佘下的砂糖打至蛋白拉起有小鈎狀態

4，將蛋白霜分次加入步驟3輕力拌勻

5，先倒一半麵糊落焗盤，加上適量紫菜肉鬆，芝士，芝麻，之後再次倒晒所有麵糊落焗盤再次加剩餘的紫菜肉鬆，芝士，芝麻和香蔥，大力噔兩吓(目的噔出大氣泡)

6，預熱焗爐180度，焗30分鐘，焗完出爐再大力再噔多一吓，之後脱模，放凉切件即可食用!