唔經唔覺放佐4日假 , 時間過的真係快 .....=_="
天日又要開工 , 湊返學放學 , 呢份工真係唔易做 ,
小d體力都死 , 我咁後生都攰到CC下 , 何況年紀大ge人?
如果叫我奶奶我估佢骨頭散都似.......哈哈......^0^
點解 ? 因為一日要搭6次車 , 你話C唔C先 ?
何來搭6次車 ?
1次 7:30同謙謙盈盈搭巴士去返學
2次 8:30送完返學買完餸自己搭巴士返屋企(煮飯)
3次 11:30自己搭巴士去接謙謙放學
4次 12:00接佐謙謙放學一齊搭巴士返屋企吃飯
5次 3:30同謙謙搭巴士去接盈盈放學
6次 4:00 接佐盈盈放學之後一齊搭巴士返屋企
隻怪兔走佐 , 下午都有小小悶熱 ,
咁ge天氣整返d涼拌菜黎吃下 , 真係涼爽 !!!!
夜晚就簡簡單單炒個飯就算........ 蝦醬叉燒肉粒粟米蛋炒飯
 |
| 涼拌素菜 |
 |
| 蝦醬叉燒肉粒粟米蛋炒飯 |
湊小朋友咁辛苦，煮得簡簡單單就得啦~~
回覆刪除係呀, 有時簡單到煎火腿蛋+ 碟菜就算, 哈哈....有時好攰我會叫外賣 , 嘻嘻.... 睇人湊小朋友好像好簡單,但實際上湊小朋友真係辛苦的,特別是小朋友病佐無人幫,更加辛苦~
刪除到謙謙大D，同家姐一齊返小學，咁你就輕鬆D啦!
回覆刪除係.....我想時間過的快d, 謙謙快d讀小一, 咁我就唔洗咁忙
刪除做媽媽真係唔易~~~
回覆刪除係呀.....做全職媽媽更加唔易~~~ >_<
刪除攰起上嚟，真係連飯都唔想煮！
回覆刪除一日搭咁多轉巴士，真係頭都暈！
係呀 ~ 有時好攰我會叫外賣 , 嘻嘻.....
刪除原來做家庭 "煮" 婦都會叫外賣㗎，咁我真係有啲唔正常喇！唔知點解，有時明明個人好攰、好唔願郁時，諗住反正都係得自己一個食，唔煮喇，出街食或買外賣啦，但最終都係死死氣去煮，如果唔煮就覺得好唔應該、好自責！！攪完一大輪先係煮得嗰少少，唉！！
刪除哎呀..........你正常的制.....哈哈 , 煮少一餐都自責 ,
刪除你太鍾情做煮婦了! ! ! 如果得我自己一個人吃,
我吃幾塊餅就算架喇 , 唔會煮亦唔會出去吃......嘻嘻
湊小朋友真係好辛苦，等到讀中學就解放喇，都好快架咋！
回覆刪除睇住佢地日日長大係好開心架，不要假手於人。佢地大個左會津津樂道講返兒時的趣事，滿滿的甜蜜回憶。好彩我當時選擇就近的小學，冇你咁辛苦。
嗯....我都想佢兩個快d讀中學 , 哈哈.....
刪除對於教導佢兩個品德,我唔會意假手於人,一定要自己黎 ,
小朋友細個教的好,大個就會好 , 其實我樓下都有間小學,
不過我唔中意佢的教學理念,所以唔揀.
家庭主婦這份工真不易做， 隨時候命， 你都要盡量找時間休息下， 太頻撲……自從我仔仔上中學後， 我可以鬆一鬆了！ 時間好快過， 好快便到你仔仔囡囡上中學了！^^
回覆刪除係囉....24隨時候命, 哈哈.... 多謝關心,
刪除我湊完謙謙返屋企都做好晒d野都會抽30分鐘訓一訓的,
如果唔訓返一陣,我真係頂唔順 , 太累 ~ ~ ~
為媽媽的辛勞打氣,真係頭都暈呀謙盈媽咪,一點也不簡單,你好勁呀.你仲可以做到咁多功夫,千其唔好比老人家來照顧小朋友,我成日覺得,老人家辛苦了大半世,她們現在係時間享福了,後生都咁疲累,老人家支持唔住的,
回覆刪除多謝你為我打氣 , 萬分感激 ^o^ 想唔勁都唔得,
刪除老公要返工,得我一個,唯有頂硬上 , 哈哈.......
我當然唔會要老人家辛苦喇 !
緊張大師你講得無錯,佢地辛苦了大半世 ,
應該享福 , 我明白......
呢份工全年無体，24小時on call,真係少d母愛都頂唔住！
回覆刪除係呀.... 仲有少d體力和精神都頂唔住.....
刪除呢份工全年無体，24小時on call,真係少d母愛都頂唔住！
回覆刪除謙盈媽媽，你好嗎？吃了午飯未？
回覆刪除FTM向來唔易做，呢份工有時仲會吃力不討好兼24小時，真的很辛苦！謙謙盈盈長大後一定要加倍愛惜媽咪呀！
小高我幾好, 不過一至五就忙佐d , 我就黎吃晚飯喇 ^o^
刪除我也希望佢兩個長大後好好愛錫和孝順爸媽,
和抽多d時間陪我們 ! ! ! 咁我就好開心了~ ( ◕ω◕ )