 |
| 火腿西芹炒年糕 |
呢個餸菜其實我都好常整的 , 點解 ?
因為阿囡同阿仔中意食囉 , 有次我地一家同老爺奶奶去飲茶,爸爸叫佐碟上海年糕蒸排骨吃 , 阿囡就話要吃底果d ,自從果次吃過年糕之後 , 佢次次去飲茶都要叫上海年糕蒸排骨,但係佢唔吃排骨架喎 , 叫碟野返黎就係為佐吃底果3片年糕 , 我見佢咁中意吃上海年糕 , 於是我倆係大昌買佐一大包韓國年糕返黎放係雪櫃 , 間唔中就拎佢黎炒下菜 , 或者蒸下排骨 , 家姐真係好中意吃 , 細佬見家姐話好吃佢當然唔执輸喇 , 又跟埋家姐一齊吃 , 次次放幾多年糕落去 ,佢兩個都同我清晒 .
至於呢個家鄉南乳碌鵝就係我媽媽返大陸 , 我姐姐整好俾佢拎出黎香港吃的 , 係用新鮮鵝整ge , 真係好好味嘎 ! 香港好小有新鮮鵝吃 , 返大陸就經常可以吃到 ! 之前我返親去家姐屋企 , 家姐奶奶一定會整俾我吃的 , 佢話我係香港好小吃到新鮮鵝 , 所以我返親到去都係整鵝俾我吃 .
 |
| 家鄉南乳碌鵝 |
我自從生佐小朋友之後 , 我就好小返大陸了 , 因為老公唔想我同小朋友一齊返 , 佢怕大陸治安唔好 , 會有危險 , 所以無返 , 不過我家姐好常出黎香港 , 每次媽媽 , 爸爸 , 大佬生日佢都會出黎 , 有時佢自己放大假 , 佢都會同埋佢老公 , 阿仔一家大細出黎玩的 !
有時屋企唔煮飯，都會煮湯年糕或炒年糕食呢~~
回覆刪除好好呀..... 唔洗日日都吃飯咁悶,
刪除我食幾塊年糕都夠飽, 唔洗食飯 ^^
上海年糕同韓国年糕 其実有無吾同 ？？
回覆刪除大人人上海年糕同韓国年糕我都吃過 ,
刪除我個人覺得韓國的年糕食落口質感比上海年糕好小小 .
我都超鍾意食年糕！
回覆刪除點解叫做碌鵝？
隻鵝的肚放佐一d香料之後用線連好個口 ,隻鵝係個加佐小小油的大鑊上碌黎碌去, 碌到熟為主, 所以叫碌鵝, 好似煎腸仔咁碌黎碌去, 東莞人好多都會知道, 電視之前介紹東莞美食都有講過.
刪除原來係咁，明白喇！
刪除謙盈媽咪,我媽媽好愛吃年糕但我唔食好少整,請問你可教我煮比媽媽吃,好嗎?你姐姐咁好整定比媽媽拿回來送你,好有心,個樣色水都好吸引唔鹹的話我估幾好食的.
回覆刪除早晨緊張大師......碌鵝d肉唔鹹架, 佢係靠肚里一面d汁 , 感覺好似燒鵝咁樣.
刪除緊張大師其實煮年糕好隨意架 , 好似我咁, 我炒菜都會放d落去就可以, 如果你媽媽喜歡有湯,咁就煲好個湯最後加埋年糕落去煲5~10分鐘就可以, 我媽媽好中意煲一個湯就係: 紹菜,冬菇,蝦米, 雞件,豬肉, 個湯煲好最後加埋d年糕或者湯圓落去再煲幾分鐘, 就可以,其實湯料你喜歡什麼就加什就可以喇, 你有無吃過咸湯圓? 好正架 , 東莞人天氣凍好中意整咸圓食架 , (廣東人叫法:咸圓或者咸水圓),每年天凍我媽媽都會整架 , 我同阿哥都會吃好多架 , 樓上Kestrel前排都有整咸圓食,你去佢個blog睇睇.
我見過 "碌鴨" 一次, 但未見過 碌鵝, 第日問吓 "碌鵝" 点整; 出返個 *獨家post* 啦~~~ ! 要快手添呀! ))))) ( 妳明白我講乜嗎? )
回覆刪除::_353 哈哈.......我明白你講乜野, 整碌鵝好大工程架, 咪搞我!
刪除香港街市唔見有鵝賣喎, 南乳炆生鵝好好食, 好正架,
返家鄉要吃新鮮鵝大把得食,我姐姐話依家d鵝貴佐好多 .
"碌鵝" 妳唔打算出post? 因為早排我打算出, 但我喱度係無"鵝" 賣, 所以打算改用鴨; 而家見妳提到此餸咁好味咪.....聴妳講到炆生鵝咁好味~ 又唔想改用鴨!!?? ~x(
刪除;)小千媽媽你出喇..... 我會黎睇架 , 你可以用1/4隻鴨黎炆試試睇睇味道如何, 如果你用鴨代替鵝你要放多d薑呀,知道嗎, 鴨果陣味會比鵝so小小的. 用油爆香d薑,紅蔥頭同埋南乳就加鴨不停炒一陣,之後就用大火煮滾,再轉細火慢慢炆至收汁 . 如果你喜歡吃薯仔可以加埋落去一齊炆,薯仔吸佐d南乳汁, 真係好正架! 我細細個係大陸媽媽好常炆呢個餸食架, 之後13年前跟佐媽咪出佐黎香港生活就好小食lu~ 要食就要返家鄉先有得食, 係香港我有爸媽一個哥哥一個姐姐, 有一個家姐係家鄉廣東東莞生活架 , 所以我媽咪返去探姐姐我就會有碌鵝食,哈哈......希望你也中意 :D
刪除炒年糕好食啊！可惜我老公唔食,所以我好少整。。。
回覆刪除你可以自己一個人整年糕湯咪得囉, 我媽媽中意煲一個湯底先,就係:紹菜,冬菇,蝦米, 雞件,豬肉,所有材料一齊煲, 個湯煲好最後加埋d年糕或者無餡湯圓落去再煲幾分鐘, 咁就食的架喇, 你可以試下::_1670
刪除