糖不甩(附食譜)

 太耐無整糖不甩食，突然想食，加上屋企樣樣材料都有，一於動工，叫阿囡幫手搓湯圓仔，我就去炒花生煎蛋皮，2人合作半個鐘左右就食的了，糖不甩真系好好食 😋 甜甜地又煙煙韌韌，加埋蛋絲芝麻花生碎一齊食，特別香 👏👏👏 童年回憶返晒黎，因為我細細個果時阿媽好常整俾我哋食，哈哈~ 你睇細佬幾搞笑連個碟d糖都唔放過🤣見到佢食得咁樣我都好開心!

【糖不甩食譜】

 👩‍🍳做法 :  

1) 糯米粉200g + 暖水180g ← 拌勻搓成團，之後搓成粒狀嘅湯圓仔咁就可以喇 (水份要自己因或目測，因為糯米粉牌子唔同受水程度都會唔同的) 

2)生花生用白鑊炒香去衣，扑碎佢

 3)2隻雞蛋打散，燒熱鑊加小小油倒蛋汁落去，煎成蛋皮

 4)煮糖水→ 片糖+水+薑片 → 煮滾之後加埋湯圓仔慢火煮到收乾水就可以 ! 將煮好嘅湯圓仔用碟裝起加上蛋絲，芝麻，花生碎一齊食👍好好味😋

🤗溫馨提示 : 煮湯圓仔中途要不停攪住佢，否則好易痴底 ，🙅‍♀️記住唔洗放太多水去煮湯丸仔😊 💃 想好味d香d~ 👩我建議用增城蔗糖黎煮糖水，味道特別香架 !