下午茶時間又到喇~ 我今日整氣炸一口西多士，做法簡單又好食，上星期阿囡已經整過，我今日得閒又再整，方便食我直頭切晒細細舊，整好再加d練奶上去真系好好食!
琴日同今日都放假，疫情期間我除佐返工放工同買餸之外其餘時間都系留系屋企，都唔會出街行，阿囡同阿仔由上月1日29(初五)至今日都無出過門口😎呢段時間無必要真系唔好出門，一出門就要用口罩，依家d口罩依然系一罩難求的，網上訂嘅又話要取消，排隊咩我去排過二次，第一次排佐幾個鐘無得賣，第二次去排佐4個鐘先買到1盒，其實好多藥房有貨，但d價錢貴到嚇死人囉…所以無必要唔好出街，留系屋企睇吓電視玩吓電話整下野食又或者訓吓覺咁囉!
做法 : 方包揸花生醬同練奶，切大粒浸蛋液備用，牛油纸揸小小牛油，放已浸好蛋液方包落氣炸鍋，用180度氣炸4分鐘，反轉再炸多4分鐘，即可以!
#如屋企無氣炸煱可用平底煱慢火煎至金黃亦可 ^0^
以下嘅西多士系阿囡整嘅 ~ 唔錯唔錯!
沒有留言 :
發佈留言