上幾個月嘅事，老公同佢d同事約8月25號去季季紅酒樓食飯，老公話果度嘅有米豬好出名的，好好食，仲要系要提早訂先有得食喎，佢話我無食過，所以帶埋我地去食，我真系第一次食有米豬，超正，d皮脆卜卜……d飯香噴噴……真系另我一試難，好想再去食多一次，食過番尋然，嘻嘻……我覺得無10個人都唔好叫呢隻有米豬，切開晒真系好多，其實乳豬個肚入面系有好多飯架，果晚我地7個大人，加我2個小朋友再加2個1歲左右嘅BB都食剩好多乳豬同飯，食唔晒要拎走，大飯盒2盒咁多，我唔客氣喇我拎佐一盒走……哈哈！可想而知隻豬真系唔野少，其實呢隻豬足夠12個人份量，因為仲有其他餸食……另外佢果度嘅豬肺湯好好飲，無落味精的，有湯飲之餘仲有湯渣食，好正 !
妳先生幾有妳心，有好嘢食都記住妳呀！
回覆刪除豬裡面嘅飯係咪糯米飯？
我老公佢0K咁喇，如果我知佢去食好野，又唔帶我去，我真系會嬲架，……
刪除入面唔系糯米飯，系香芋蝦米蛋炒飯，仲吸埋d乳豬油份香味，所以佢d炒飯真系好好味！