阿囡話好好味喎，好味到要添2次飯，
老公話：好味都唔可以再俾阿囡再添食呀！
飽死佢呀………哈哈………
我自已都覺得好味，阿囡問我點解咁好味？
我答盈盈 : 媽咪用佐浸蝦米，冬菇的水用黎煲飯，梗系好味喇…… 係咪好正呢 ?
盈盈話 : 係呀 , 好好味好好味....... 好正 ,
下次記得又要咁樣整喎 ^0^
冬菇蝦米臘味糯米飯食譜
材料 : 冬菇 , 蝦米 , 臘腸 , 臘肉 , 粘米 , 糯米 , 西藍花莖
調味 : 食鹽 , 豉油
做法 :
- 冬菇 , 蝦米 , 臘腸 , 臘肉 , 粘米糯米用水洗淨 ,
- 冬菇另加水浸透 , 冬菇切粒狀 , 冬菇水留起備用 ,
- 蝦米用小小水浸軟 , 西藍花莖切粒 , 飛水備用 ,
- 將少量鹽和冬菇 , 蝦米 , 粘米 , 糯米加埋冬菇水一齊拌勻 ,
- 臘腸 , 臘肉放係面 , 按煮飯鍵 , 開蓋後拎起臘腸, 臘肉切粒狀放回煲內 ,
- 和西藍花粒粒一起拌勻 , 加上適量豉油調味即可 .
小貼士 :
- 粘米和糯米份量比例你1比1 ,
- 臘腸 , 臘肉洗淨之後要出水 ,
- 煲呢個糯米飯不用落太多水 ,
- 我的粘米糯米是不用浸泡的
- ( 因為我用鵝姐煲的關係 )
浸海味啲水精華嚟架，實好味啦~~搞到我都好想食呀~~~
回覆刪除系囉………我之前系唔要的，今次就要返d精華，真系好正，搞到你好想食？咁你今晚就去整黎吃未得囉…哈哈……(^_-)
刪除見到已經好想食。不過，糯米真係唔食得。唯有望梅止渴啦! 星期六晚，有同你打招呼呀，你對仔女，好可愛呀
回覆刪除點解唔食得ge?
刪除佢兩個乖果時真係好可愛 , 發脾氣果時就.......哈哈
星期六晚我見到Cecilia個名 , 但係我唔肯定係咪cici你 ,
所以我都唔敢同去你傾 , 我驚認錯人 , 失禮晒....嘻嘻.....
真係唔好意思 , 你同我打招呼, 我都唔記得有無應你添 ,
咁多人我淨係認得小高 , 一下子咁多人, 我真係唔知邊個打邊個.
嘩~好足料呀!
回覆刪除哈哈....... 我同阿囡都中意食糯米飯 :)
刪除溝Ｄ粘米冇咁"漏"，叻叻！
回覆刪除溝佐粘米真係無咁漏同埋無咁痴 ,
刪除用純糯米煮 , 吃完會"飽飽製製" 我唔中意 ,
我試過整生炒糯米飯 , 炒到手軟 , 都係煮岩我多d , 哈哈....
好多料喎,正呀!
回覆刪除唔係講笑......真係正 :)
刪除用煲的方法真係快~靚~正~
你都整返餐糯米飯食吓喇 :)
我試過整生炒糯米飯 , 炒到手軟....=_="
愛心糯米飯呀！小高都鐘意吃 ~ 憶起小時候，媽媽知道我們喜歡吃會好早起身炒定比我們帶回家同同學仔一齊食，這種窩心感覺仍很難忘，我知道要起勢咁炒，真係唔少嘢，都累咁！
回覆刪除兩位小朋友實在太幸福了！:D
無錯 , 依家d小朋友真係好幸福 ~
刪除