前日整俾2個小朋友食嘅百香果蛋糕仔， 第一次用百香果黎整蛋糕仔真系好好食，岩岩焗好攤凍食果時蛋糕仔個表皮仲系好脆內部組織好軟熟，好正 !
但系百香果味唔够濃郁，下次再整要加多d果汁落去先得，呢d百香果超酸，酸到呢……同檸檬有得揮呀！我將果核冲水飲，嘩~超酸，我要加好多蜜糖先至飲到，如果唔加蜜糖中和吓，我應該唔會飲，太酸我真系飲唔到，d果核系可以食架，對身體好好架 !
 |
| 好酸的百香果 |
 |
| 低粉，牛油，糖粉，泡打粉，雞蛋，百香果 |
百香果牛油蛋糕仔食譜
材料:
無鹽牛油100克，低粉120克，泡打粉2克，
糖粉100克
雞蛋2隻，百香果汁40克
做法:
- 牛油室溫放軟加糖打至蓬鬆
- 分3次加入已打匀的蛋汁繼續打至蓬鬆狀態
- 分2次加入已篩過的低粉和泡打粉用刮刀拌匀
- 倒入白香果果汁再次用刮刀拌匀
- 將麵糊倒入杯子裹8成滿已足够
- 預熱焗爐之後用180度焗20分鐘即可 !
我好怕食熱情果，想起都酸到震！！
回覆刪除哈哈!真系好酸😂
刪除我未食過百香果，乜原來咁酸架。
回覆刪除你捧住盤蛋糕張相好靚，一臉的滿足，好幸福的女人！
系呀百香果真系好酸!
刪除張相系阿仔嘅傑作，我話唔影佢系都要我影，佢今次影得我好好，佢平時同我影親多數系唔對焦同埋影我半邊面咁架，哈哈~
我好中意百香果架！哩個啱晒我~~~
回覆刪除我想問其實可唔可以撈埋D果核落蛋糕呢？
刪除中意就快d試下整黎食喇……我建議你加多d果汁落去整，味道會更加好，系可以撈埋d果核落去焗架，但我兩個小朋友唔喜歡有果核，所以我無加落去!
刪除我屋企仲有3個已經放到巢皮嘅百香果，我過幾日試吓整戚風蛋糕😊睇下效果如何
明白了，謝謝你~~等你嘅戚風蛋糕:)
刪除