呢個月頭9號就系兩姐弟學校秋季旅行日子，家姐同細佬去嘅地方都唔同，家姐高年級去北潭涌度假營玩而細佬系低年級組就去大埔海濱公園玩，呢2姐弟一個叫我整麵包而另一個就叫我整蛋糕仔，我同佢地講一系2個一齊帶迷你麵包或者2個一齊帶蛋糕仔，結果佢2個話要蛋糕仔，仲要指定要朱古力味同紫薯味！我個人覺得朱古味好食d，紫薯蛋糕d色唔夠特出，完全無顏色，吃落口無只系有輕微蕃薯味·……
朱古力紙杯蛋糕食譜
材料：低筋粉50g，谷古粉10g，朱古力粒20g，糖40g，特濃朱古力奶50g，粟米油20g，蛋黄蛋白各3隻
做法：蛋白打起加入糖打至光滑
蛋黃，特濃朱古力奶，粟米油拌勻加入低筋粉及谷古粉再次拌勻至滑，加入已打好的蛋白分2~3次以切拌方法拌匀，預熱焗爐170度焗20分鐘！
蛋糕仔好靚呀！每人一大袋拎去旅行請同學仔食，亞媽真係識做！
回覆刪除想唔識做都唔得，我被迫要識做…… 我話整三文治佢地帶去旅行食，佢兩個一齊話唔好喎，激死我！
刪除通常都係咁，南瓜、甘筍、番茄、番薯、咖啡等食材整包餅，只係得個色，完全食唔出味道！
回覆刪除系喇…… 如果加香精就一定有味個味道仲好香，但唔健康(╯з╰)
刪除媽媽好有心機！好大工程呢~~
回覆刪除只要小朋友喜歡，就算大工程做阿媽嘅都好樂意去做俾佢地，盡量滿足佢地！
刪除