呢個復活節假期真系長，我兩個小朋友放足2個星期咁制，由11號開始放假，放到24號先至返學，佢地放假我最開心，日日訓到自然醒真系好過引，閒時去行吓街玩吓完全無時間限制，爽……講返正題先，就系阿仔系放假前幾日問我可唔可以整蛋撻俾佢拎返學校請佢好朋友食，我就話蛋撻就唔系咁好，我驚你未返到學校已經整爛，不如我整蛋糕仔，細佬話都好，仲問我可唔可以整朱古力味，我話得，咁我就9號晚整好俾細佬10號拎返學校請同學仔食!
٩(๑^o^๑)۶ 唔計今日仲有4日假放，過多4日又要朝朝6點起身了，諗起都覺攰，真系要好好享埋呢幾日……
返正整開朱古力蛋糕仔俾細佬拎返學，我又順手整多d放系屋企我地自已又可以食，我前排買佐2個新鮮菠蘿返屋企，食佐一個，另一外又放到未食，菠蘿放得越耐越香，我日日行入廚房都聞到好香菠蘿味，我又貪得意開佐個菠蘿，切佐一d用攪拌機攪爛d菠蘿拎佐一d加落去原味牛油蛋糕仔糊入面拌勻再去焗，結果系我額外加多佐菠蘿溶搞到d蛋糕仔水份多佐，所以d蛋糕仔比較濕，阿仔同阿囡都唔鐘意食，哈哈!
 |
| 呢d系整俾自已食嘅 |
 |
| 送俾同學仔食嘅蛋糕仔 |
 |
| 10號食蛋糕仔做早餐(*^ω^*) 食飽就去返學 |
 |
| 11號開始放假，都系食蛋糕仔做早餐，哈哈 ! |
 |
| 菠蘿蛋糕仔，好濕同有d實(•́︿•̀) 可能水份太重連蛋糕紙托都自動甩開 |
 |
| 朱古力味蛋糕仔同原味牛油蛋糕仔好正常，鬆軟好食! |
今次朱古力牛油蛋糕都系用返之前百香果牛油蛋糕仔食譜，朱古力味我就額外加20克可可粉同低粉撈埋一齊，另外朱古力粒落去，用朱古力奶代替百香果汁，其餘份量及做法都系一樣 !
沒有留言 :
發佈留言