果日整完百香果蛋糕仔之後我個電動打蛋器就壞佐(•́︿•̀)…… 琴晚細佬叫我今日再整蛋糕俾佢食，佢話清明節佢唔洗返學，你唔洗凑我返學不如整蛋糕俾我食……我話個電動打蛋器壞佐，要買返一個先可以整蛋糕，前日落商場買，點知無貨要訂，要5號先有貨俾我……
ಠ_ಠ 無得整蛋糕~ 唯有拎系圖書館借返屋企睇果d煮食嘅書睇吓，睇吓有無d唔洗用打蛋器都可以做嘅蛋糕，睇書途中俾我見到英式鬆餅，我覺得唔錯，於是試整，出黎效果好掂，正系我想要嘅質地，但系呢款質感同KFC果款唔同架，KFC果種入面系濕潤d嘅，我依家跟書做呢款系外皮脆內裹軟，無咁濕潤架 !我做佐幾次鬆餅今次系最滿意，嗯……終於俾我個食譜，系我一直想要嘅質地鬆餅，岩岩出爐無耐我就食佐2個喇，微熱果時特别好食 ! 我超級喜歡呢款英式鬆餅 ! 原本兩姐弟唔多鐘意鬆餅嘅，佢地見我放芝士落去整，所以佢地都話要試食 !
😉原食譜系用紅苺乾嘅，但我屋企無紅苺乾所以用50克巴馬臣芝士粉代替，我個人認為用芝士粉整俾用紅莓乾整更加好食! 因為我一家四口都鐘意食芝士，嘻嘻 !
好靚~我間唔時都會整哩種鬆餅，貪佢簡單方便~
回覆刪除嗯，真系好方便! 有芝士先好食😁
刪除之前我都整過一次 scone 比較接近 KFC 個 texture，妳都有留言話鍾意，不過話當時全家得妳一個食，妳會唔會再試過呀？
回覆刪除http://kestrelkwan.blogspot.hk/2016/05/yoghort-honey-scone.html
系呀KFC果款我鐘意呀! 多謝你食譜同提醒我，我呢個家庭煮婦太多野做太多野要記，真系要同你講聲sorry……我完全唔記得你整過類似KFC果款，我下星期一於試你個食譜，因為下星期放復活節假大把時間，哈哈!我呢幾日得閒都系因為佢地考完試日日放12點，我先得閒日日寫blog嘻嘻!
刪除今次呢個鬆餅有芝士阿仔同阿女先一人試食一個咋，其餘果d我自已食晒😊
能夠整到啱自己口味係最好的，你好叻！
回覆刪除過獎過獎……我邊系叻呢，我系鐘意整野食，貪玩…嘻嘻!
刪除