Tiramisu蛋糕@媽媽生日

呢個月中12月17日系阿媽舊曆正日生日，原本我唔打算整蛋糕的因為前排好忙，但收到家姐信息問我阿媽生日整唔整蛋糕，我話呢排都忙有野做，佢話你忙到蛋糕都整唔到呀？我話咁又唔系，哈哈……佢話如果你整到你就整一個焗紐約芝士蛋糕喇，我好想食你整嘅蛋糕，你整得好好食，系出面買果d無咁好食呀！我話你開到聲想食我一定整，難得你喜歡食^O^……隔佐一日我問家姐我整另一款蛋糕好唔好，佢話總之系你整就咩都好，無所謂你整親咩蛋糕都好食，我對你整嘅野有信心……我話唔系架，我今次試整Tiramisu系我3年前整過一次味道幾好，今次再整唔知成唔成功架，家姐就話oK喇多數成功無問題！哈哈…俾家姐笑死，佢對我整嘅真系好有信心……佢越對我有信心我反而更擔心做得唔好，我唔理咁多随心去做……好彩最後都成功見得下人！我自己就覺得一般，因為面頭d忌廉吱到大細不一有d丑樣，同埋個蛋糕高度好似矮佐小小，另外其中一粒忌廉仲俾我壓爛佐添……嘻嘻～ 總體黎講都ok😛個個試食完Tiramisu都話好滑好好味，只系手指餅果度甜佐小小，如果淡返小小會更加完美！另外芒果蛋糕系大嫂買的^o^……我屋企人都好鐘意吃芒果！

媽媽*^e^*

今次唔齊人，家姐老公同我老公都無出席^@^
依家d小朋友大佐就唔肯一齊影相(>﹏<)

個個都話要試Tiramisu先，
因為芒果蛋糕成日食(^_-)
芒果蛋糕系大嫂系美心買嘅！

盈姐姐好喜歡食

Tiramisu蛋糕好受大家歡迎！

内餡就系咁^_^

婆婆生日飯^O^

自家制更美味！