今日系7仔買野店員問我要唔盒臘腸，佢話入面有4條有2款味道，一款系鴨膶腸，另外一款系鮮肉臘腸，見佢系鴻星出品應該唔差所以買黎試下，4條要30幾蚊都唔平……今晚一於拎佢黎試吓整煲仔飯，今次試用珍珠米黎整煲仔飯煲睇下效果系點，出黎效果同我平時煮飯用嘅泰國米差唔多，用珍珠米軟身小小，至於d臘腸我唔多喜歡，因為好甜，唔岩我口味，2款臘腸之中鴨膶腸好食小小，食落口香d軟d，鮮肉臘腸好甜同有小小硬，唔岩我！我喜歡油鴨同銀魚仔多d……因為俩姐弟唔食油鴨所以我淥生菜同時加d雜丸落去一齊淥，等佢地有餸食，今晚好簡單就整碟菜同臘味飯，加小小丸就算(^_-)簡簡單單又一餐！
臘腸居然唔鹹仲反而甜咁得意！？
回覆刪除系喎，真系甜架唔系講笑，我一d都唔鐘意，元朗出名天氣生晒果款榮華臘腸都系甜嘅，但無呢款咁甜，所以我又系唔唔鐘意！所以我喜歡系街市買，因為街市d阿姐會話俾你聽邊款系感邊款系甜，同埋可以買好少好少2條試吓先，岩食下次先買多d！
刪除好少聽見臘腸好甜呢~~不過冬天食臘味飯好正呀！
回覆刪除系……冬天食臘味確系特別正！ 唔知你有無食過榮華臘腸呢，榮華出產嘅臘腸都系鹹中帶甜的，我都系唔喜愛……
刪除