自從我學識包糭之後我都無再系街買糭食了，呢幾年幾乎年年有包糭，其實我真系唔系好想包，包佐幾年，次次包親都系雞手鴨腳咁，包得好慢……所以唔想包就系因為咁，無奈的事老公同仔女都話想食，唉……免為期難咁包小小喇，每次包親都20隻左右啦，要分2次黎煲，有大有細，我仲要因應返我屋企嘅大細老闆口味去包，大老闆老公獨家要幾隻多咸肉原隻咸蛋黄及少綠豆多糯米嘅糭，而兩個小老闆就要小咸蛋多豬肉同多糯米要走綠豆及要細細條的糭，咁樣嘅要求我先可以滿足到佢地，哈哈……今年總數包佐28隻，用佐3斤半糯米，半斤多小小綠豆，半斤糭葉，15隻咸蛋，2磅腩肉，第一次煲佐16條，第2次煲12條，我包最後果8條想搞搞新意加佐小小黑糯米落去，又加佐小量馬拉盞落綠豆果度撈勻，等綠豆有多d味道，今次包糭味道比上一年好，上年咸佐d，今年調味果方面唔敢落咁重手，哈哈……昨日我地已經試食過d糭，整體黎講我覺得味道幾好，唔太咸，味道適中……包好拎佐d糭俾家人，8條奶奶，4條姑奶，阿媽6條，自己實際得12條，感覺上少佐d……睇黎下年要加碼買5斤糯米1斤綠豆黎包先夠(^_-)
呢款系無綠豆兩姐弟指定要我包俾佢的，入面有半隻咸蛋同咸豬肉嘅BB糭，系兩姐弟佢地話要食的，佢地話無綠豆嘅糭系好食好多喎，我頂佢唔順╮(╯▽╰)╭
你一定整得好好食啦，大家都要落order！不過自家製係唔同D，通常多D料呢^^
回覆刪除系，自己包味道會好d，材料都會多小小！
刪除你真係24孝老婆,媽媽,新抱!!好叻!每個家族都有一個勁人, 大時大節都會出產又多又好味既節慶食物!你就係呢種!我響家族中, 就係負責食嗰個..HAHAH
回覆刪除哈哈……我都想做負責吃嗰一個，但系我唔整就無人會整俾我吃，一系要自己系街買黎吃……
刪除咪包得好靚囉！包得幾次就吾會雞手鴨腳啦，仲要多D練習，屋企人咁鍾意食平時可以包黎做早餐或午餐帶飯都得架。
回覆刪除長方形我就包得幾好，其實我最想包五角型，今次試包又系唔成功……我地平時唔系咁喜歡食糉的，純粹應節架咋(^_-)
刪除我覺得妳已經包得好靚，我包嚫都包到好樣衰！妳呢個方法係一開始時只係需要一塊粽葉就可以嗎？
回覆刪除我今年都試試加少量黑糯米落去呀！
系，一開始就用一塊糭葉，包好成隻糭都系3塊糭葉加咋(^_-)
刪除只係一塊葉都可以放到咁多料，咁塊葉咪好闊？
刪除另外，妳用嘅粽葉會唔會有裂開情況，定係塊塊都好完整？
系用一塊葉，我用中碼糭葉一塊就可以放到咁多料，d糭葉我用明火煲半個鐘洗完再用，好小會裂，多數完整！
刪除