緣聚西日放題@元朗，7個月大得意可愛的妹妹

呢個月頭8號，我第一次去緣聚吃野，呢間野d食物一般，但勝在出食物ge速度系快，如要我俾$再去吃，真系無下次，佢的價錢都唔平，好在今次系姑奶請我地去食，佢ge日式芝士餅d芝士好勁，可以拉到好長，味道都還可以……

竹蔗茅根馬蹄紅蘿蔔水

好耐無煲蔗水飲，早幾日買齊d野返屋企煲返一煲蔗水當水飲下先，今次d蔗幾好，煲完出黎有小小甜，我完全唔洗加糖，咁樣更加健康好飲！

梅菜蒸鯇魚，蝦仁炒蛋，上湯浸生菜

唔知點解我呢排總是無心機寫blog……有時間都系訓下教，聽下歌就算，哈哈～但我又好鐘系Wechat Post我自己煮ge野架喎，但就系無心機寫blog，我真系覺得自己好奇怪(^ω^)……

2015母親節

今日系母親節，祝天下所有媽媽母親節快樂！
我早两日已經收到阿囡，阿仔送俾我的母親節小禮物了，須然唔系乜貴重禮物，只要系仔囡送我都會好心滿意足……阿仔何囡多謝你地的小禮物(^ω^)

羅漢果夏桑菊涼茶

早两日煲佐呢個簡單凉茶，前幾日早上執廚房俾我執到一袋夏枯草，於是接阿仔放學果時買5蚊桑葉同埋2蚊甘草返屋企自己再加小小菊花同，金銀花同埋半個羅漢果就搞掂，煲3O分鐘就有凉茶飲，嘻嘻……我都好耐無煲凉茶了(^_-)

杏汁雪耳燉木瓜糖水

第一次整呢款糖水，我自己鐘意用杏仁打成汁液果陣味，但我老公同两個小朋友就好唔鐘意，佢地須則唔鐘意陣味但都好俾面，每人都幫親佐半碗，嘻嘻……仲叫我下次唔好整呢款糖水……哈哈！呢個糖水系前排燉的，唔系今日架(^_-)

香煎紅三魚，冬菇臘肉炒娃娃菜，火腿蝦米蒸滑蛋

今日系5·1勞動節，我真系好勤勞，執冬季衫褲執佐成個下午，真系好攰！執完又要煮飯，唉… 阿媽唔易做，難得今日放假，呢個細佬真系好鬼死煩晨咁早6點叫我起身，頂佢唔順……平時返學又唔見佢咁早起身喎(¬_¬) 今晚簡簡單單呢整佐3碟，清得乾乾淨淨，實在太好了……(^ω^)

炸菜豬頸肉蒸滑豆腐，雜菌肥牛蔬煲

天熱唔想開鑊炒野，炒到成身汗，琴晚2樣餸都系蒸，煮，快靚正！炸菜豬頸肉蒸滑豆腐，簡單好味又有營養，d雜菌開頭諗住炒肥牛的，但因天氣熱懶得炒，全部雜菌及菜放晒落煲加水一鑊熟，最後加肥牛煮1分鐘加鹽調味就食得，有菜有肉又有湯，岩晒我呢個懶人……哈哈！

豉汁蒸鱸魚，上湯灼菜蕊

昨晚d餸真系超簡單，净系魚同菜……哈哈，但佢两個竟然好開心！因為我平時好小買魚吃的，昨日我同阿仔d同學仔媽咪一齊去天瑞買餸，系街市行佐一大圈都唔知買咩餸，見同學仔媽咪買，我又跟佢買魚，實在諗唔到買咩餸……

意式肉醬意粉，香草蒜味焗雞翼，蒜蓉牛油煎帶子，蒜蓉牛油帶子意粉

又繼續跟【明星愛廚房】學整菜式，今次系跟鄭俊弘提供的食譜去整，我平時整親的肉醬意粉多數系用肉，蕃茄，洋蔥，香草，但鄭呢個食譜系好得意會加埋紅蘿蔔和西芹，我見咁特別所以我跟佢食譜整一次，事實上味道真系唔錯，吃意粉時都可以食到小小蔬菜，唔錯唔錯……見仲有牛油帶子及意粉剩系度，所以两樣加埋撈一撈又食得，方便快捷！

(呢個post系個月的，依家先得閒出……哈哈～)