每年冬天我例牌會煮糯米飯食的,我地一家大細都喜歡食,我最唔鐘意系街買嘅糯米飯黎食,因為超級多油,每次食完d糯米飯你就會見到個碗底多油到嚇死人,所以我喜歡自己煲糯米飯食嘅原因就系咁樣!我自己系屋企煮系將d臘腸臘肉先飛水再切粒之後仲會用平底鑊炒香等炒出佐d油份出黎唔要d油,再加蝦米乾蔥碎一齊炒香先至放系米上面最後加埋冬菇放系米上面一齊煲,跳製後加豉油調味即可,自己煲盡量少油,咁樣就會健康d,我自己喜歡用2份粘米加1份糯米溝埋一齊煲的,我覺得咁樣好食d,净糯米我覺得唔好~哈哈!
記錄一吓自己親手做過的餸菜 , 甜品 , 小食 等等..…… 等自己,家人和阿囡阿仔大個小小時候睇返,佢地細細嘅時候,媽咪整過d咩俾佢地食,等佢地同我自己都有個開心回憶,因人大佐會慢慢忘記一些小事情的! 為免這樣我唯有得閒之時便記錄吓 ^^ 【 自從阿囡阿仔升讀小學之後我就變得忙碌佐,少佐時間打理個Blog 好多時都系無打個食譜出黎.....請見諒……親愛嘅朋友們~ 如果你地要食譜嘅話請留言話我知,我睇到留言後會盡快回覆~~~ # 謙盈媽現時用fb睇野的時間都多嘅, 最快搵到我的方法係去fb搵我或者留言 , 睇到留言後我會盡快回覆~~~】
冬天必食!
回覆刪除無錯無錯……(^_-)
刪除我唔食糯米,所以只可以望梅止渴
回覆刪除Hi……cici……唔食糯米唔緊要,用粘米即平時煮飯嘅白米代替糯米黎煮一樣好好食好正架,我媽都系咁樣煲㗎^_^
刪除煲仲健康過炒呀!
回覆刪除實不相瞞我試過2次生炒糯米飯都系炒到手軟之餘亦炒到痴到阿媽都唔認得,成劈屎咁,嚇死人……哈哈,之後唔敢再生炒喇,浪費晒我d心機(>﹏<)
刪除我之前做法係蒸熟糯米飯先落鑊炒,但都一樣炒到手軟!
刪除蒸完再炒好難炒,真系會炒到手軟
刪除但就唔使炒咁長時間囉!
刪除我好鐘意食糯米飯,不過唔識炒。原來就咁煲都得,可以試吓喎!
回覆刪除試得過呀,慳返好多手力,好味又健康,如果生炒真系炒得手軟架,我試過2次生炒,但最後都系失敗,哈哈……所以放棄生炒,改用煲嘅方法(^_-)
刪除