好耐好耐之前我好似有整過海南雞飯,但今次整系用新鮮雞黎整,味道真系一流唔錯唔錯,雞同飯d顏色都好靚仔,d雞我一早用d粗鹽醃佐幾個鐘,d雞肉充滿咸香味,唔洗點醬都好好食,净食黃薑飯都好正好香,再加上大嫂俾的湖南特產「血肉丸子豆乾」用尖椒炒小小辣超惹味,真系正到爆! 但系呢個特產唔系個個喜歡食,因為佢嘅燻味勁重的,我老公唔鐘意果陣煙燻味,所以佢唔喜歡食的,但我同對仔囡就好鐘意食!
記錄一吓自己親手做過的餸菜 , 甜品 , 小食 等等..…… 等自己,家人和阿囡阿仔大個小小時候睇返,佢地細細嘅時候,媽咪整過d咩俾佢地食,等佢地同我自己都有個開心回憶,因人大佐會慢慢忘記一些小事情的! 為免這樣我唯有得閒之時便記錄吓 ^^ 【 自從阿囡阿仔升讀小學之後我就變得忙碌佐,少佐時間打理個Blog 好多時都系無打個食譜出黎.....請見諒……親愛嘅朋友們~ 如果你地要食譜嘅話請留言話我知,我睇到留言後會盡快回覆~~~ # 謙盈媽現時用fb睇野的時間都多嘅, 最快搵到我的方法係去fb搵我或者留言 , 睇到留言後我會盡快回覆~~~】
2019年4月5日星期五
2019年4月3日星期三
2019年3月23日星期六
泰式肉碎
我近排愛上了整呢個餸⇒泰式肉碎,呢個泰式肉碎用黎送飯真系好鬼正,我每次整呢個餸都會特登炒多d架,留起d用黎帶飯返工食,真系一流架! 如窺果出街叫呢個餸一d都唔平,細細碟就要百幾蚊,超唔抵食,自己整平靚正!
做法真系好簡單架咋,我寫佐食譜出黎喇, 材料份量隨意就可以,無特定嘅…喜歡就試下炒黎食,用生菜包住黎食都得架!
2019年3月6日星期三
2019年2月14日星期四
古法黑糖桂圓紅棗薑汁年糕(手搓),情人節快樂!
🌹今日系2月14日~㊗️各位 : 情人節快樂💞💞💞
順道post返一個自家製黑糖手搓年糕 ,甜甜蜜蜜煙煙靭靭好好味 ! 自家製同出面買嗰啲真係好唔同, 真系一試難忘,唔系講笑,真系試過便愛上,甜度可自由控制,做法好簡單 ,食譜已補上 !
2019年2月11日星期一
2019 豬年快樂~
🎊恭喜發財 🎊恭喜發財 🎊恭喜發財🎊
😊2019🐷🐷豬年快樂🎊今日已經系初七人日了!
Hello~ 大家好 ! 好耐無系呢到同大家打招呼喇~
Hello~ 大家好 ! 好耐無系呢到同大家打招呼喇~
我謙盈媽系呢度㊗️大家在🐷年裡👉身體健康💪財源滾滾💰💰💰💗万事如意💖心想事成💞 👨👩👧👦家庭幸福美满💃💃💃
2018年1月16日星期二
2017年11月13日星期一
臘味煲仔飯,南北杏西洋菜排骨湯
好耐無寫blog喇,趁得閒就上黎寫吓野先,嘻嘻…呢排真系忙,忙返工忙照顧家庭等等,總之就系忙喇~ 我做兼職唔覺唔覺已經有半年了,依家已習慣佐返工模式了,朝早凑完返學就返工,好在有老公接放學,咁我就唔洗咁辛苦! 兼職最好就系可以揀日子返,我系逢星期六日都唔返工嘅,哈哈~ 假期更系留系屋企陪老公同小朋友同喇!
星期六同兩姐弟行街見到呢個煲仔覺得好正,我一於買佐返屋企,見雪櫃有臘味於是乎琴晚就煮煲仔飯食,正!!! 放假當然唔少得煲吓湯飲喇,簡單咁煲佐一個南北杏西洋菜排骨湯大家一齊飲,如果有埋鴨腎就更加正,可惜我無買,哈哈~
2017年9月17日星期日
豉椒肉碎豆乾炒酸豆角
結婚咁耐以來我第一次買酸豆角煮黎食,平時亦很小會食,系我系街買嘅酸辣薯粉先有機食到,我見酸酸地幾好食,於是試系街巿買一包黎試吓,味道幾好唔太酸,我拎佢黎炒肉碎同豆腐乾,我為佐更加好味,我仲加什小小豆豉落去一齊炒😁呢個餸用黎送飯或者跟麵一斉食真系一流!我返工帶飯都好喜歡帶呢個餸,嘻嘻!!!
2017年8月31日星期四
遊船河
放假放埋今日呢個暑假就完滿結束了,時間過得真系快,眨吓眼兩姐弟天日又話要返學囉,趁返學前一於要玩盡佢,老公早幾日帶我地同佢d朋友一齊去遊船河,遊船河當日(28號)天氣都一般,因颱風帕卡嘅影響,個日都落佐好耐雨,好在我地落海玩水果時停雨,落海玩都玩佐成2個鐘,玩完上返船隨即又落雨,哈哈! 個天對我地真系唔錯停雨俾我地落海盡情咁玩 ! 兩姐弟第一次遊船河超興奮,整個行程兩姐弟最開心就系落海玩水,哈哈~ 遊船河我地整佐鮮茄肉醬意粉,其他朋友整雞翼,豬扒,糖水,沙律,小食等等……最後d食物都食唔晒,要每人拎d返屋企😄
訂閱:
文章
(
Atom
)











