冬菇臘味糯米飯

每年冬天我例牌會煮糯米飯食的，我地一家大細都喜歡食，我最唔鐘意系街買嘅糯米飯黎食，因為超級多油，每次食完d糯米飯你就會見到個碗底多油到嚇死人，所以我喜歡自己煲糯米飯食嘅原因就系咁樣！我自己系屋企煮系將d臘腸臘肉先飛水再切粒之後仲會用平底鑊炒香等炒出佐d油份出黎唔要d油，再加蝦米乾蔥碎一齊炒香先至放系米上面最後加埋冬菇放系米上面一齊煲，跳製後加豉油調味即可，自己煲盡量少油，咁樣就會健康d，我自己喜歡用2份粘米加1份糯米溝埋一齊煲的，我覺得咁樣好食d，净糯米我覺得唔好～哈哈！

麵豉湯稻庭烏冬

每逢星期六日我都系好簡單咁煮就算，因為老公返夜，得返我同兩個小朋友吃，所以盡量簡單，哈哈……一煲過快靚正，唔洗煩果吓先正呀嘛！

腩肉豆乾泡菜炒粉絲，黑椒雞扒，白灼菜心

早幾日行759見有正價7折，我平時好小系759買冷凍食品的，今次見到d火腿同泡菜折佐之後都系15蚊左右，我見都幾抵吓，所以買黎試吓，今日試佐泡菜比較酸，我平時多數都系買韓國宗家府泡菜的，味道比較好一d，酸辣度都好岩我食(^_-)  今晚就系用759買嘅泡菜用黎整餸，用佐腩肉同豆乾一齊煮最後加埋屋企用剩嘅小小粉絲煮一煮，因今次d泡菜比較酸所以要加多小小糖落去中和吓d酸味，d粉絲吸收晒d汁多正，好好味，今晚阿女同老公爭食粉絲，哈哈……

數字骨(附食譜)，香煎三文魚，白灼菜心

數字骨呢味餸我第二次整，味道我同老公都覺得好好味，第一次唔成功我整到好黑，哈哈，黑到嚇死人，你見到張相就知有幾黑架喇，嘻嘻！第一次用電飯煲整排骨，整到d排骨黑蚊蚊，第二次則轉用煲仔用明火煮，效果好好，數字骨食譜系同學仔媽咪俾我的！

粟米火腿包，吞拿魚包，茄汁腸仔包(1爐焗3款味道包)

一爐3款味嘅包，一次過滿足3個人嘅口味，確系過隱，哈哈……阿囡鐘意吞拿魚，阿仔鐘意腸仔，我就鐘意粟米火腿，老公樣樣都食嘅，今次麵粉方面加佐小量全麵粉，感覺健康小小，嘻嘻……

灜喜日本料理放題 @ 何氏家庭聚餐

今日系年初八，新年前何氏一家總人數13個人已經報佐名參加盆菜宴，一圍12個人好似千三蚊，但主辦單位因人數不足而取消佐，咁就退返佐一d錢，d錢系老爺奶奶兩個人出晒話請我地咁多人新年一齊開心食返餐飯開心吓，點知取消佐，咁我地就提議揾一日約埋一齊去吃飯，系無約定嘅情況下，咁岩個個都系初八放，真系好難得，我地建議吃放題，無人反對，就決定訂枱吃放題，吃放題我最開心，因為我好鐘意，哈哈！我老公唔多喜歡去食放題的，我平時叫佢去，佢都唔會同我去的，系何氏全家人一齊去佢先去架咋，哼………

年初七(人日＆情人節)♡@ 鮮奶蓮子百合燉桃膠

今日系初七即系人日，咁岩又系2月14日西方情人節日，我祝大家：人日人人生日快樂＆情人節快樂！

情人節好多人都選擇外出慶祝甜甜蜜蜜咁過喇……但我倆公婆系傳統中國人，所以情人節唔會特別慶祝，只要大家開心系埋一齊已經好滿足了，無須特別慶祝，但我都整佐一款新式糖水甜蜜吓，哈哈……佢就系鮮奶蓮子百合燉桃膠，呢款糖水好正，好香，好潤！

初三(赤口)

年初三系赤口，好多人系呢一日都唔會外出拜年的，但系我就百無咁忌嘅，因為老公呢日放假，我地就一早過婆婆果邊飲茶拜年，之後就系婆婆屋企玩下，仲叫婆婆早d煮飯吃，吃完晚飯早d走，目的就系要過奶奶屋企提早同表姐慶祝生日，因為人齊嘅關係所以提早吃蛋糕慶祝生日<表姐初五生日>

年初二(開年)

唔經唔覺今日已經系初五了，依家先得閒寫下blog整理吓呢個blog，呢排真系好忙好忙，就算有小小時間，我都走佐去休息唔得寫野，嘻嘻…

年初二老公要返工，所以無去拜年留系屋企休息吓，睇下電視，簡簡單單整個小小餸咁就叫開年飯了…須則簡單但都好好味，大多數都系年初一吃剩d餸，再整煮一煮就食，阿仔同阿囡最鐘意芝士肉醬焗飯，我就鐘意花膠海參發菜蠔豉腩肉炆冬菇，超正，膠質多到呢……吃完冬菇個嘴好黏，章魚蓮藕湯都正呀！當晚我地仲一路食飯一路系電視機面前睇煙花添！

新年快樂 @ 2016猴年(大年初一)

(^＆^)恭喜發財，我在此恭祝大家系新一年裏身體健康，萬事如意，步步高昇，財源廣進，豐衣足食，笑口常開！