陰公……昨晚嘅餸菜無人幫襯，最後都系得我自己一個人吃d餸，仲食净d秋葵，留黎第日再食，今次系第二次食秋葵，老公下午打電話問我夜晚有咩餸，我話有秋葵，茄子，佢即答我媽咪你食多d，食埋我果份，唔洗留餸俾我放工食，哈哈！我两個小朋友試佐一啖秋葵即刻話唔好食，唔食，其實我試完都唔鐘意食，哈哈… 可能你會問我你唔鐘意食點解又買呢？其實系上星期我見街市做特價7蚊一包，所以買黎試！第一次系用秋葵辣肉肠炒蛋，結果都系一樣(-_-) 無人幫襯，阿囡净系食蛋同辣肉肠，d秋葵留返系碟上，另外茄子我系極小極小買黎食的，今次呢d茄子唔系我買..……系奶奶俾我的，我覺得茄子好難煮得好食，想好食一定要炸一炸佢！我两個小朋友不嬲唔鐘意食茄子，包芝士長通粉系759買的，两個小朋友話味道一般，叫我下次唔好買，嘻！近排好常買紅肉火龙果食，紅肉比白肉貴好多，但呢排見紅肉平，21蚊3磅，真系好平，見平所以買黎食！
睇個樣秋葵煮得過熟喇，又軟身又多潺，我都唔鍾意食呀！好多人都會生食或做沙律，我就未試過，無論係炒定係灼，一分鐘就好上碟喇，咁樣食落就非常爽脆，妳再俾第三次機會佢啦，應該會改觀，$7 包真係平到笑喇！
回覆刪除茄子點解好難煮得好食呢？我多數都係加辣調味料去燜煮，或者蒸熟加日式芝麻醬食，要泡油的話就唔好預我喇！！
其實妳先生係真係有事唔返屋企食飯定係聽到妳話買咗秋葵就即刻唔返呀？哈哈！！
哈哈… 真系唔會有第三次喇，我真系唔鐘意食， 昨晚吃剩果d秋葵今晚都系我自己吃咋，最後仲系吃净3條，真系頂唔順，我送佐俾大口仔食，嘻嘻……
刪除昨晚仲有一條茄子我今晚煮肉碎豆腐順手放埋落去煮，我两個小朋友又系唔食，佢地净系揀肉碎同豆腐撈飯吃，哈哈……
我老公昨日系返工的，佢返夜班，放工返到屋企都差唔多12點好多時都叫肚餓，咁我夜晚吃飯前多數留起小小餸同小小飯俾佢放工返黎吃得！(^_-)
梗係啦，妳煮到咁腍，其實好多人都唔識得整，通常都煮過龍，但話俾佢聽正確煮法之後，個個都改觀，話跟之前完全唔同食法！
刪除魚香茄子都應該唔錯呀！
真係好，妳先生放工後有愛心宵夜食！！ ^^
佢系我老闆黎架，更系要對佢好d，唔對佢好d我會無量出架，哈哈！
刪除真係哀呀妳 ……
刪除