上星期三整佐呢d壽司俾兩姐弟帶返學做午餐，第一次試整好彩都成功整到，两姐弟都話好食下次再整，嘻嘻……自從今年學校開學時轉佐飯商，阿囡就話學校d午餐唔好食仲越來越難食，不停叫我送飯俾佢食，我開頭都唔肯送，但眼見阿仔同阿囡d同學仔好多人都系由訂飯之後轉自己帶飯返學校食，可想而之呢間飯商d飯餸真系有幾咁好食，所以我系新年前就開始煮飯拎去學校俾佢地食，原來我送飯都送佐2個幾月了……除佐星期三要早起身整午餐之外，其他日子都系我中午11點幾煮好飯送去學校俾佢地食的，因為阿囡學校逢星期三系放早放2:25分的，我唔想12點送完飯，之後返屋企休息1個鐘左右2點又去要接放學咁辛苦，所以逢星期三就一早整好d午餐俾佢地一齊帶返學校食，逢星期三我多數整三文治，炒飯，炒烏冬等……
以下系我整俾兩姐弟嘅部分午餐相片……
啲飯盒好吸引呀！見仔女食得開心，辛苦啲都值得!媽媽加油!
回覆刪除只要仔女開心，做阿媽嘅幾辛苦都好都會盡力去做嘅……所謂世上只媽媽好呀麻(^_-) 哈哈！
刪除哇, 佢地D午餐好豐富呀, 辛苦晒你!
回覆刪除唔辛苦……只要仔女鐘意，辛苦d都值得嘅 ^e^
刪除嘩！午餐太豐富喇！真係吾使咁多喎，食肥左要減肥好難架。
回覆刪除我都覺得多左小小，黎緊日子要將份量減返小小，我奶奶都話佢兩個依排真系肥佐dd，哈哈！
刪除哩個媽媽真好心機！個個飯盒都好吸引~
回覆刪除其實我都唔想咁好心機，好心機嘅代價真系好辛苦，佢兩個話學校d午餐難食，食到想嘔無辦法，唯有我辛苦小小就吓佢~
刪除有過一次經驗，第二轉再整嘅壽司靚好多呀！
回覆刪除乜間飯商差成咁！？
系，第二次整得好小小……
刪除我都唔明，連d家長試飯都話唔好食，其實已經有好多學生同家長反映過呢間飯商唔得，希望今年9月可以提早轉飯商(因為學校簽飯商系2年一次的)