今晚呢3碟餸都好正，平時金菇肥牛卷就包得多，但今次呢個甘筍青瓜肥牛卷，真系第一次包咋，真系好正，好好味，煎熟佐d肥牛原來入面d甘筍同青瓜咬落去仲系爽口嘅，加埋包即食咖哩做汁就更加好味，見有肥牛用剩我就加小小咖哩汁一齊炒，又系好好味，d節瓜仲好食，系奶奶自己種架，都好大個，我分佐2餐先煮完個節瓜，自己種真系好食d，拎黎煲湯，炆，炒都一樣好食！
2015年6月25日星期四
2015年6月24日星期三
日式咖哩肥牛，小唐菜，超抵雪糕
前晚老公唔系屋企吃飯，我就求其煮2碟就算喇，两個小朋話d咖哩好好味喎，阿仔就專揀肥牛黎吃，而阿囡就唔食肥牛專揀西芹紅蘿蔔黎吃，佢两個真系絕配……哈！月頭行百佳見到Haagen Dazs做特價，真系好抵，我即刻買佐返屋企！
2015年6月23日星期二
魚條韭菜花炒蛋，香煎蒜香雞翼
今次買佐3扎韭菜花好嫩，切小小就可以炒黎食，我試過買d韭菜花好鬼老，切佐一隻手指咁長都老，完全唔好食，好左今次買呢d好好，唔知系咪當造ge關係呢！煎蒜茸雞翼簡單好味，就系用簡單調味料去醃一晚，用蒜粉，鹽，生抽，辣椒仔醃一晚已經好入味，用平底煎pan煎一滴油都唔洗用，用細火煎熟就搞掟食得！
2015年6月17日星期三
蛋黃咸肉糭 @ 2015
仲有幾日就到端中節喇，原本今年唔諗住包糭的，早幾日阿仔突然問我媽咪你知唔知2O號星期六系咩節日，我話應該系端午節，佢話系呀……端午節老師話系食糭的節日黎架，你會唔會包糭俾我食呀，我話：應該唔包，阿仔話：媽咪你包俾我食喇，我鐘意食你包ge糭，但系要無咸蛋同埋少d豆好嗎？聽完佢講我咪包小小囉，特登包6隻細細隻無咸蛋同少綠豆俾佢两姊弟，昨日包好新鮮熱辣辣俾佐4隻大ge奶奶，阿囡放學返屋企吃一隻大，謙謙臨吃飯前話肚餓，叫我俾佢食一隻無蛋黃BB糭，老公去完街返屋企一次過吃佐2隻有咸蛋糭，佢話好味喎！見佢地吃得咁滋味，就算包得幾辛苦都值得！今次試包呢款形狀真系好難包，包佐好耐，個幾鐘先包果10條，五角糭仲衰試包佐2隻足足包佐半個鐘有多……唉…… 最後果4隻BB糭我都系包返長方形就算！
2015年6月8日星期一
滷水汁雞脾仔，蒜蓉腐乳通菜，火腿帶子雜菜炒飯
2015年6月7日星期日
田灌草涼茶，鮮茄蘑菇肉醬天使麵
今日終於得閒煲呢個涼茶，因為d田灌草同竹蔗上星期四奶奶俾的，系奶奶自己種的，所以果扎田灌草放佐咁耐都仲系咁新鮮，放佐系雪櫃幾日都唔願煲，哈哈…… 今日下午問佢两個今晚食飯定食麵，佢两個一齊揀食麵，見仲有包天使麵放佐系度好耐，所以今晚就煮佢！
青紅蘿蔔粟米栗子湯，焗咸豬手，焗雞翼，蒜蓉白菜仔
2015年6月5日星期五
2015年6月4日星期四
蒜香黄金蝦，冬瓜粟米芫茜蛋白肉片湯，蒜茸豆豉蒸豬肉，自家釀梅洒(2O13年浸)
今晚的晚餐，清雪櫃是也，哈哈……呢盒蝦系新年買架，嘻嘻(^_-)…… d肉同埋蔬菜都系早幾日買的，所以今晚清一清個雪櫃！今日净系買佐2隻咸蛋咁大把，2隻咸蛋就可以整2款菜式，咸蛋黃就整蒜香黄金蝦，咸蛋白就滾冬瓜湯，呢d天氣我最鐘意滾瓜菜湯，有啖湯消下暑真系好鬼正架！老公今日放假，所以整返杯冰凍梅洒嘆下……hehe(^e^)
2015年6月3日星期三
燒豬頸肉雜菜沙律，芝麻醬/冷辣醬烏冬，煎三文魚，風扇仔
昨晚無煮飯，吃冷烏冬，天熱吃呢d凍野，真系好舒服，好凉爽……上星期日謙謙同學仔媽咪北上去東門買野，佢見到d風扇仔好抵，37蚊一把咋，系香港好多地方都有得買，但賣得都唔平，普遍見到5o~70左右，見37蚊把咁平，我就叫佢幫我買2把，俾两姊弟用，因為呢d天氣去接放學真系好鬼死熱，有佐佢就無咁辛苦喇！
訂閱：
文章
(
Atom
)