早幾日系百佳買野滿50蚊就可以優惠價35蚊换3包灣仔碼頭韭菜蝦水餃,真系好抵,我换佐3包,系大昌見到阿囡鐘意食果款宗家府泡菜做特價30蚊一包,一包有500克,我又買佐一包,夜晚諗唔到煮咩食好,我見有泡菜同餃子唔諗咁多,一於黎個泡菜餃子鍋,仲俾我系冰箱揾到一細袋年糕片同半條鳴門卷,我又放埋落去一齊煲,哈哈…… 呢煲野真系快靚正之餘又好好味,洗好晒所有材料,煲滾水放晒所有材料落去煮15分鐘就食得,真系好方便!
記錄一吓自己親手做過的餸菜 , 甜品 , 小食 等等..…… 等自己,家人和阿囡阿仔大個小小時候睇返,佢地細細嘅時候,媽咪整過d咩俾佢地食,等佢地同我自己都有個開心回憶,因人大佐會慢慢忘記一些小事情的! 為免這樣我唯有得閒之時便記錄吓 ^^ 【 自從阿囡阿仔升讀小學之後我就變得忙碌佐,少佐時間打理個Blog 好多時都系無打個食譜出黎.....請見諒……親愛嘅朋友們~ 如果你地要食譜嘅話請留言話我知,我睇到留言後會盡快回覆~~~ # 謙盈媽現時用fb睇野的時間都多嘅, 最快搵到我的方法係去fb搵我或者留言 , 睇到留言後我會盡快回覆~~~】
2016年9月30日星期五
2016年9月27日星期二
香芋戚風蛋糕(附食譜),日本紫皮黄肉蕃薯
前日老公叫我焗蕃薯俾佢食,我見净系焗小小蕃薯個焗爐仲有好多空位空佐出黎,我唔想浪費d空位,見廚櫃有一包香芋粉放佐系度好耐仲未用,包粉我系二德惠買的,一於動手整返個香芋戚風蛋糕放埋落爐一齊焗黎食,D日本蕃薯焗出黎好好食,好甜,但今次水份唔多比較粉同有小小乾,至於個香芋蛋糕個質感就好軟好濕潤好香椰汁味,之但系……無香芋味,有d失望,整體稗講都唔錯嘅,佢嘅外貌外形同顏色真系好靚,我好鐘意!
2016年9月20日星期二
牛尾羅宋湯(附食譜)
羅宋湯我煲過好幾次,但加埋紅菜頭同牛尾一齊煲則系第一次,之前煲嘅羅宋湯我覺得無咁好飲,原來就系無加紅菜頭落去煲,今次嘅羅宋湯真系好正,好好飲,老公都話正!我話俾阿仔d媽咪聽用紅菜頭黎煲羅宋湯好正好好飲,跟住佢地就話睇相已經好正仲叫我教佢地煲,有d媽咪話驚我講佐第日到佢地自己煲果時唔記得又要再問我,索性叫我寫埋個食譜出黎俾佢,咁岩我又得閒,咁就寫佐出黎……順便系呢度分享吓我嘅做法^v^……喜歡的話可以跟著做希望大家喜歡~
2016年9月14日星期三
豉汁豬頸肉豆卜蒸年糕,粟米咸蛋肉丸湯
天日就系中秋節喇……我兩個小朋友天日放假仲要系連放4日,哈哈…好爽~ 唔知大家吃佐月餅未呢,我一早就吃佐喇……我提前系呢度祝大家:中秋節快樂,人月兩團圓!
自從上月去完澳門玩完返黎,我嘅體重上升佐唔小,系時候要吃返d清淡d嘅餸菜減返小小先至得之,今次簡簡單單蒸一碟餸,再滾一煲湯,咁又一餐……
2016年9月6日星期二
榨菜木耳豬肉包
得閒無野做又玩下中式包,中式包做法比西式麵包簡單d快d,但唔知點解做咁多次都系做唔到我心目中要嘅效果,硬系爭d爭d,同系茶樓飲茶時食果d包總系差好遠,所以我每次做嘅份量唔多,做小小試佐先,好下次才做多d……我覺得做中式包好有難道…… -_-#
2016年9月4日星期日
2016年8月30日星期二
忌廉芝士焗薯茸
呢個暑假接近尾聲嚕……仲有2日呢個暑假就結束喇(╯з╰)……我要好好地享受埋呢2日,又系時候收拾心情準備開學喇……唉!真系唔想咁快放完暑假……一諗起每朝要6點幾就要起身整野返學整個人嘅心情自自然然低落起來,超級唔開心(>﹏<)
早兩日系吉豬島行街見到d美國焗薯做特價,4個大大隻先11蚊,見佢都幾抵,所以買佐2包,今日净系整佐1包4隻,仲有一包我諗住過幾日整炸薯角,呢個焗薯簡單好味,做法都算簡單,洗乾淨d焗薯一開二之後放入微波爐加熱至腍,再用匙羹不d薯仔肉出黎(要小心不薯茸,保留返個薯皮),用匙羹壓爛,切d洋蔥粒煙肉粒炒香,然後加落薯茸入面,加小許食鹽和黑椒調味,最後加d芝士放面焗吓佢就食得,味道唔錯,我兩個小朋友好鐘意食!
2016年8月22日星期一
涼瓜炒蛋,醬汁雞蚊薯仔
人大佐口味都會改變,我以前唔食涼瓜的,覺得好苦好甘,但依家又唔覺得話好苦,接受到,老公呢幾日成日叫我買涼瓜整炒蛋俾佢食,但我兩個小朋友系唔食涼瓜的,同我細個時一樣,哈哈…… 佢地唔食涼瓜炒蛋我就求求期期用d豉油雞粒炆薯仔俾佢地食,所以兩姐弟今晚净系得一碟豉油雞粒炆薯仔食
2016年8月17日星期三
糯米糍(3款口味)……已更新!【附食譜】
昨晚整佐d糯米糍,咁岩老公放假所以今日我地一家大細拎d糯米糍過去婆婆屋企食,順便拎埋d澳門手信俾婆婆舅父阿姨佢地……今次d糯米糍我整佐3款口味,有例牌嘅花生味,今次加多佐2款口味,一款系奶黄餡另一款系紅豆粟子餡,紅豆栗子系烘焙店買嘅,而奶黄餡系自己整的,奶黄餡料食譜系烘焙店提供俾我的,我買紅豆餡時問店長有無現成奶黄佢話無,佢話其實奶黄好易整,店長話:不如我拎我個食譜俾你影低,你返屋企自己試吓整,我聽到後即答好同不停講唔該,哈哈……呢間店舖嘅店長真系好人……我整好d奶黄都有試味,我個人認為味道唔錯,等我屋企人試吃完奶黄糯米糍後,問吓佢地意見睇下好唔好味,味道如何,到時再報告俾大家聽……如果大家都喜歡咁我下次可以拎呢款奶黄餡試做冰皮月餅食餡……嘻嘻~ *^O^*
2016年8月14日星期日
香芋椰汁喳咋糖水,澳門之旅
今日下午無時做突然想飲糖水,於是落樓下買佐d香芋黎煲喳咋糖水,我系買現成一包包果d喳咋返屋企黎煲的,我第一次煲味道唔錯,做法又簡單,洗乾淨d豆加適量水就咁煲就ok……最後加埋椰汁攪匀咁就食喇!
早幾日過佐去澳門玩2日,時間過的真系太快,眨吓眼就話玩完……今次一家大細去玩感覺好特別好開心,但好攰……我最開心系可以睇水舞間表演,票價須然贵,但真系好好睇好,值得睇!至於我好期待嘅酒店自助餐就有些少失望,比我想像中差……另一開心事系一家人乘坐全球最高以及獨一無二嘅8字形摩天輪!
訂閱:
文章
(
Atom
)









