蒜片黑椒牛柳粒，蒜香煙肉炒露筍，川貝虎乳零芝蘋果粟米瘦肉湯

 第一次買露筍黎食，見平時露筍都賣得唔平，1細扎閒閒地賣20蚊，我覺得都幾貴下所以一直都買過，第一次食感覺一般，個頭有小小老，吃落有渣(>﹏<)
太耐無食牛，見d牛柳扒做特價咪買佐幾塊囉，原本無醃就咁煎，見我包蒜開始出芽了，咁我要快d用佐佢，最後就成個大蒜去衣切片用黎炒，用油炸完d蒜片先炒，炒出黎碟牛柳粒好好味，好諗好香，好正！ 個湯系我老公叫我煲得，佢話自己有两聲咳，想飲川貝湯，屋企無雪梨唯有用蘋果代替，嘻嘻…

紅豆西米布甸，椰汁紫米露糖水

悠長復活節今日已經系最後一日了，
玩埋今日，天日又是回覆返正常生活了，無得夜一夜訓，晏一晏先起身……唉呀～ 惨惨……天日一定唔願起身^^……哈哈…… 
今日又去廚房搞搞搞……見有咩就整咩，結果揾到一袋西米同埋一小袋紫米，有紫米同西米一於煲返個紫米露糖水嘆下先…… 煲佐1碗西米，原來煲出黎系咁多，煲糖水唔需要咁多西米，有剩好多西米又唔知整咩好，於是上網揾西米食譜俾我見到西米布甸，布甸幾好唔錯……一於試下整先得，咁岩冰箱有2個吃剩中式豆蓉包，於是乎我拎佐包入面的紅豆蓉饀出黎……哈哈～其餘d包就要我自己食返，齊食無饀包唔好味，好似食饅頭咁(>﹏<)唔好食……

焗紅豆西米布甸

清補凉雞蛋糖水，山形吐司<附食譜> ，千島醬芝士Pizza，菜乾雞腳鴨腎湯，蒜蓉牛油厚多士

前日晨咁早醒佐之後又訓唔返，於是去廚房揾野黎搞，

學茹初見話齊無野搞野黎搞……哈哈，

突然想飲糖水，就簡簡單單煲小小清補凉糖水，

系煲糖水的同時，

我手痕痕想整下方包，我真系好耐無整方包，

整完方包順手整多一舊麵團整pizza吃，哈哈………

見時間尚早我仲煲埋湯添(^ω^) 

玩佐成日好滿足好開心但系好攰……(╯з╰)

清補凉雞蛋糖水

清補凉糖水

冬瓜薏米茶

買佐冬瓜放系雪櫃幾日都無壤，但系摆佐咁多日我又唔想煮黎食，掉佐佢會浪費，見櫥櫃有一大包薏米系度，我一於拎佢黎煲冬瓜薏米茶最好不過喇……

木耳韭菜餃子

足足有大半年無玩過包餃子，

見有時間同埋冰箱有小小位置空佐出黎，我又黎玩下包餃子先……

嘻嘻……一次過包佐70幾隻餃子，

用佐一斤餃子皮，

材料簡單味道非凡！

手造餃子

芝麻口味冷烏冬，凉拌麻醬青瓜

呢排好忙好攰，我都好耐無post野，哈哈…… 今日簡單做佐呢個芝麻醬冷烏冬同埋凉拌麻醬青瓜，拎雪櫃時時有ge食材就可以郁手整，(芝士肠仔，獅子狗，青瓜，煎一隻蛋)所有材料切絲就搞掟，烏冬煮好要浸冰水之後要隔走水份，加埋個醬就食的……好睇又好食……＼(^o^)／

椰汁芝麻千層糕，日式芝士蛋糕

呢两樣甜品系我做黎俾爸爸媽媽大佬一家人吃的，因為上次整佐一個細細個日式芝士蛋糕俾表姐吃，佢話好食，差不多一個人食晒咁制，變佐其他人想試食都無，所以今次整一個8吋日式芝士，個個人都有得食，個個人都話今次d甜品好好食，好正！

椰汁芝麻千層糕

厚切餐包，千島獅子狗包, 首次見blog友小灰灰

呢個厚切餐包系整黎做見面禮的，因為我首次見blog友大人人，小灰灰，肥頭表哥，大人人中意食餐肉包，所以我自製佐d包包俾佢地吃……小灰灰同肥頭表哥好鬼死得意！

檸檬雞翼，木耳炸菜豬頸肉蒸豆腐，豬頸肉炒尖椒，蒜茸炒生菜

今日學GiGi姐整檸檬雞翼，製成品好正呀，酸酸甜甜咁樣，好好味，老公同两個小朋友都話好正，食唔停口 (^o^)

豉汁蒸黄立倉，豆豉鯪魚炒娃娃菜，雞湯蝦米蒸水蛋

成日吃黎吃去都系果幾樣餸，

真系好煩……

昨日系雪櫃揾佐一條魚，

條魚系新年前買落的，

摆到依家先食，哈哈……

哈蜜瓜蘋果雪耳豬骨湯，泡菜洋蔥炒肥牛，台式肉燥，清炒香蒜菜芯

早幾日買佐d哈蜜瓜返屋企，净系得我同两個小朋友食，爸爸又唔吃，其實d哈蜜瓜都幾甜，但系我地已經食佐好多，唔想再吃，唔快d食ge話就好1快會壞，唔想浪費所以我拎佢黎煲湯，加埋一個蘋果落去煲，煲出黎ge湯好好飲d同埋香d，呢個湯好潤好清甜，盈盈同謙謙都好中意飲！

哈蜜瓜蘋果雪耳豬骨湯