昨日系新北江買佐部手動攪肉機，細細部都幾得意同埋好實用，150蚊一部，又唔系好貴，佢就送埋一隻電動咖啡杯，今日就試佐部攪肉機，效果好好，以後整肉餅我就唔洗猛咁剁豬肉了……果隻電動咖啡杯唔知好唔好用，等我天日又試下玩先……(^ω^)
咸魚蒸肉餅食譜
材料：肉碎，咸魚，咸魚醬，薑
調味料：鼓油，食鹽，粟粉，水
做法：所有材料拌勻，隔水蒸約15分鐘
呢两日超級潮濕，搞到我窗都唔敢開，成地下立痴痴，真系超討厭！~>_<~
唔開抽濕機完全唔得，我開佐一個鐘抽濕機已有好多水……(>﹏<)
 |
| 我屋企廚房的情況 惊人，d磁磚流晒水(╯з╰) |
 |
| 屋企外走廊的樓底， 超級得人驚(╯з╰) |
 |
| 我家的抽濕機 m(._.)m |
 |
| 開佐機抽佐2個鐘左右， 已經有咁多水出黎。 |
妳屋企咁潮濕...... 買部 "抽濕機" 有否幫助呢?
回覆刪除小千媽咪系呀………真系好潮濕，超級討厭，屋企有抽濕機，開3個鐘已經有好多水
刪除嘩你果邊濕得咁勁既!我隔離係海都無咁犀利!不過吹北風lu,咩都吹乾晒!
回覆刪除150兩樣好抵，突出黎支野係咪比人整香腸架?
系呀Mary……超級潮濕！你講得無錯，真系俾人整香腸架，我得閒要去買d腸衣返黎玩下先^_^
刪除部攪肉機好方便喎,難唔難洗呢？
回覆刪除你屋企真係好濕呀！
好易洗架咋，拆都好方便，我呢度真系好潮濕，濕到呢……唔開抽濕機唔得！
刪除我屋企都濕到爆，地板好似街市咁，不過今晚放工返到屋企已經完全乾番哂，超開心！
回覆刪除其實自己整肉碎的話，心理上覺得乾淨好多，但係之後要清洗攪拌機就真係頭都大埋，我呢世人最怕就係處理過動物油脂嘅用具，真係超難洗得清爽，特別係膠同易潔鑊塗層，所以我都係買現成免治肉碎算數，眼不見為乾淨，眯埋眼食算數！
哦…原你果邊都好濕，我唔開窗，門窗會更加濕……
刪除呢部機仔好易洗架咋，有動物油脂最好用（暖水/熱水）洗，用凍水洗真系洗極都系好油淋淋的，我唔會買肉碎的，一來唔乾淨，二來我試過買返黎的肉碎入面有骨碎，有次買街市果d肉碎，蒸好肉餅食到有骨碎，自始我就唔系街買，要肉碎一定系自己剁剁剁……(^_-)
有骨咁驚！？我賣肉一定去超市買。
刪除攪肉同手剁食落有冇唔同啊,我咪又係濕到嘔呀我天花出毛菌添呀又要抹餐C攞命
回覆刪除攪肉我覺得滑d，攪肉同手剁其實唔系差好遠，手剁有時真系剁到隻手好攰！
刪除嘩……出毛菌，都好勁呀！
謙盈媽媽，又添置咁多玩具。呵呵! 不過，我都係鍾意手刴肉餅多啲。
回覆刪除手剁同機都差唔多，有時要剁好多肉碎的話隻手真系會好攰，多一樣玩具玩下真系好開心……哈哈(^ω^)
刪除回南來了...又濕又立，諗起都怕怕！><
回覆刪除謙盈媽咪，好開心喎！添新廚具 ~ $150的攪肉機也很便宜，而且o岩哂喜歡入廚的你，可以繼續炮製多款美味菜式^^。
小高我好討厭回南天……
刪除果部攪肉機真系幾抵玩，盈盈同謙謙都有同我一齊玩，佢两同我攪冬菇，佢地話好好玩，仲玩得好開心添呀！(^ω^)