前日早上同幾個同學仔媽咪食完早餐，
去銀座行佐一陣，買佐小小野，但系無買任何餸，
無買餸食乜好呢？無買餸一於清雪櫃d野出黎食先得，
清呀清……清呀清……都清到好多野出黎，
呢度系雪櫃其中一部份咋，我雪櫃仲有其他餸……
講真我黎緊呢一星期唔買餸都OK……嘻嘻……
清雪櫃呢餐，望落都幾豐富喎，
好似情人節晚餐咁……哈哈……
 |
| 呢個田園沙律系上星期買ge 放系雪櫃有成一個星期 無麥點爛，只系爛佐小小 配--日式芝麻醬食，好正！ |
 |
| 個肉醬系上2個星期吃剩 我放系冰箱存放 依家就拎佢出黎加熱 煮小小意粉加埋個肉醬就食的(^_-) |
 |
| 呢個雞亦都系上星期的 我懶得每次煮， 所以一次過煮佐2磅 (^o^) 放系雪櫃，想食雞亦隨時食得 好方便！ |
 |
| 呢個系刺身帶子黎得， 新年前買落，本應新年食， 但新年無食到，所出依家执佢出黎食 一盒2L只系得9粒咋，都好大粒 系【樓上】買的，好似百幾蚊一盒 |
 |
| 呢個都系新年貨， 佢都系在【樓上】買的， 一包有20隻，唔記得幾錢了！ |
 |
| 好似情人節晚餐，哈哈…… |
 |
| 西式晚餐 |
謙謙食緊雞亦(^ω^)
 |
| 我家的大雪櫃， 所以一星唔出門買餸 都餓唔死我地 ^_^ |
 |
| 雪櫃邊貼佐我中意的食譜 *^O^* |
你個雪櫃都好多餸喎,打風都唔驚啦！
回覆刪除無錯，真系打幾日風都唔洗驚架，哈哈……
刪除謙盈媽咪,你家天天都係情人節咁冧啦....你個雪櫃都有好多存貨呀?厲害.
回覆刪除系呀緊張大師，我雪櫃真系有好多存貨系度，特别系冰箱添呀，雞亦腸仔果d時時有架，净系罐頭食品都唔少，餐肉，豆鼓鯪魚都有幾罐系度，哈哈……
刪除嘩，妳個雪櫃係叮噹個百寶袋嗎？成個禮拜可以唔使買餸都得！？而且仲幾豐富㖭哦！
回覆刪除我雪櫃真系好似叮噹個百寶袋裝到好多野，冰箱長時間有肉，雞亦，肠仔魚旦之類ge野，生果箱又成日有蕃茄薯仔瓜類等，因為呢d野可以放耐d都唔怕壞呀麻，我好多時一日買埋2日餸架，星期五例排買埋星期六日ge餸菜，因為我两個小朋友放假，我就唔鐘同佢地去買餸，其實佢两都唔中意跟我去買餸架！
刪除咁又係，湊住兩個行街市真係好唔方便！
刪除我一個禮拜都係買兩日餸咋，除咗一次過買多一日餸之外，仲特登煮多啲留多份隔夜，等放工返家時唔使煮都有飯開，好過長期出街食垃圾啦！
無錯，街d食物食得多真系好厭的，同埋食好多味精落肚呀！
刪除嘩勁呀唔使買餸都煑到咁豐富嘅晚餐叻叻叻呀
回覆刪除哈哈……普通餸菜 ^_^
刪除勁喎，求其都摷到咁多物資，可以煮到咁豐富嘅晚餐，犀利。
回覆刪除系呀小月，我雪櫃時時都有好多剩餘物資架，有時吃剩d野放上冰箱，需要時就會拎佢出黎架喇，好似鮮茄肉醬咁樣，想食系冰箱拎佢出黎解凍，煮個意粉就攪掂，咁又一餐，真系快靚正架！
刪除嘩, 你個雪櫃可以擺到咁多存貨? 犀利
回覆刪除系呀cici，我雪櫃都幾大，分三隔，上面系冰箱，中間系保鮮，下面系專放蔬果，呢個雪櫃真系放到好多野，好好用！我好鐘意呢個雪櫃架(^_-)
刪除好羨慕你有個大雪櫃，因為我個雪櫃頂上有個廚櫃，無得買個大大大雪櫃，迫住要買多個雪櫃。XD
回覆刪除小高唔洗羨慕……你有两個雪櫃咪仲好，可以將d野分類摆，唔洗同d食餸放埋一齊咁咪仲正！
刪除