沒有情人的情人節…… *^O^*
老公話我唔系佢情人喎，
只系佢老婆咋(>﹏<)
 |
| 同老公一齊食薑汁湯圓 (＾_＾) |
呢幾日真系凍得好緊要，天水圍連續幾日都系5度左右，真系凍到想攞我命咁，難為死我要6點鐘起身整早餐俾两個小朋友食，起身果下真系好辛苦，昨日突然想飲冬陰公湯，於是就買野試煲，第一次系屋企煲冬陰公湯，哈哈……
（食譜及做法後補）
前排盈盈叫佐我幾次煲紅蘿蔔庶水俾佢飲我都無煲，前日又叫我煲，於是抽d時間去買野煲，今次仲加佐一條牛膀，粟米落去一齊煲，味道都無改變，反而甜佐，盈盈話好好飲！
材料：竹庶，茅根，馬蹄，紅蘿蔔，
牛膀，粟米，蜜棗，果皮，黄豆
做法：所有材料洗淨，馬蹄，紅蘿蔔，牛膀去皮切片果皮去囊，加上適量水份，煲30分鐘（如果明火煲即要2~3小時）
謙盈有媽媽愛心竹庶水飲,唔洗飲咁多出面 D 汽水果汁,健康好多呢！
回覆刪除系呀……我唔會買汽水果汁返屋企，除佐做節或者有人黎我屋企食飯，我先買小小放系度，謙謙盈盈平時多數飲水。
刪除哈哈,老婆情人呀?你的湯丸搓得好圓我搓極都唔圓喎.
回覆刪除我好鐘意你個冬陰公湯.一向唔怕凍既我,手術後就凍到手腳都硬晒,要我的老命.飲碗冬陰公湯應會好正斗.
你系咪手術後無補身？？？ 講真飲完個冬陰功湯包你即刻成身暖晒，因為個湯好辣，辣到出汗，哈哈…… 我仲俾佐d湯謙謙同學媽咪試味，佢地都話好正，同好辣，所以唔單止我一個人話辣架，我老公同3個同學仔媽咪都話辣，佢地話辣到好似火燒喉嚨咁喎，笑死我……
刪除謙盈媽咪,頭三個月唔可以食得咁勁,現在開始天天都食燕窩要我抵抗力加強些,飲田雞湯不可飲魚湯.但呢個手術都好大型,好傷身就真,我都好番好多,只係好怕凍.我見到你呢個湯真係好想飲.....
刪除可惜你住的地方離我屋企太遠，如果系近近地我會煲好拎俾你飲，你真系要好好調理好個身體。
刪除冬陰公湯小朋友頂得順嗎??
回覆刪除我唔敢俾佢两個飲，因為太辣……
刪除但系阿囡話聞到個湯好香好辣ge味，
我話俾小小佢試，佢話唔試，驚辣喎(^o^)
先係睇到個 title 寫住冬陰功，跟住見到湯丸幅相，仲以為妳整冬陰功湯丸㖭！！@@
回覆刪除啲蝦又大隻又靚，好吸引，係新鮮嗎？
冬陰功湯圓，哈哈……
刪除系冰鮮蝦黎架，d蝦真系好靚好大隻，d肉好爽好正，都幾貴下，如無記錯系$138一斤，年甘九果時買的。
咁貴！？@@ 妳好捨得食哦！
刪除都系新年先買黎食，平時好小買，我都覺得貴……(╯з╰)
刪除呢個愛心竹庶水小朋友多飲有益,我以前煲完會將d粟米用蒜頭豆豉炒番當一味餸,食埋唔使浪費添^w^
回覆刪除我一家大細都中意飲蔗水，TerryMa你做法好好，抵鍚，我都唔中意浪費食物，d粟米同黄豆我會留起黎吃架，其他就唔食……Y(＾_＾)Y
回覆刪除好慘呀...睇見美食都唔食得...流哂口水啦！→ 小高"我"！><
回覆刪除乖乖地休息多d飲多d清水就會好快好返架喇，到時就唔洗流口水架啦……^_^
刪除唔係情人，只係老婆？你同你老公講，都要由情人先可以成為老婆。應該叫你情人老婆啦! 這幾日又凍，飲冬蔭功至啱!
回覆刪除哈哈…… 天凍飲冬陰功湯真系一流，辣到暈呀……飲完湯個胃好似俾火燒咁，之後就成日暖立立，著少件都得(^ω^)
刪除