太耐無煲蘆薈糖水，前幾日見到facebook顯示2年'前嘅當年今日我煲過呢款糖水，另到我又好想飲呢款糖水，於是打電話問奶奶依家仲有無種蘆薈，佢話有種，咁我就好唔客氣咁叫佐奶奶摘d俾我用黎煲糖水，哈哈……奶奶咁易話為我又點少得佢果份呀，我煲好佐糖水之後留起佐一半俾奶奶架，佢話太耐無飲呢款糖水都覺好正，仲話多謝我，我答佢你都傻嘅洗麥多謝，d蘆薈你摘俾我架，孝敬下你好應該㗎嘛！我呢個奶奶做人真系好開通開朗，完全唔會摆奶奶款，好識得為d仔女著想，我識得一d仔女同學仔嘅媽咪講佢地奶奶點樣唔好點樣煩討厭等等……我聽起都覺得煩，好彩我奶奶對我都好好，關係亦唔錯！ 向來婆媳關係呢家野唔好起上黎真系好煩好激氣架m(._.)m
嘩！D蘆薈真係好靚呀！你同奶奶相敬如賓，你敬我一尺，我敬你一丈！為你鼓掌！
回覆刪除謝謝翠兒……相見好同住難
刪除嘩，有私家新鮮蘆薈煲湯水，肯定好正！
回覆刪除我都恭喜妳婆媳關係可以咁好，實在難得呢！！
婆媳關係好舆壞真系好睇大家點相處，分開住關係會好d，所謂相見好同住難！
刪除完全認同呀！就算係兩公婆，好多時個老公退休後多咗時間喺屋企都會多咗嗌交！！
刪除見到都想食:) 婆媳關係真係可以好煩，你真係好幸福呀！
回覆刪除多謝您！婆媳關係相處得唔好確實會煩到嘔！分開住會好d，減少好多生活上嘅磨擦，關係自然會好d……如果同奶奶住埋一齊的話日日朝見口晚見面有時真系會好煩，難免關係會差！
刪除街市都有呢d蘆薈賣架，你試吓買黎煲糖水吃呀，呢款糖水好清潤的！
原來蘆薈可以用嚟煲糖水。屋企種咗啲，可以試吓喎!
回覆刪除得閒煲黎試下，呢款好潤，好易煲架咋！
刪除