炸菜豬頸肉蒸滑豆腐，雜菌肥牛蔬煲

天熱唔想開鑊炒野，炒到成身汗，琴晚2樣餸都系蒸，煮，快靚正！炸菜豬頸肉蒸滑豆腐，簡單好味又有營養，d雜菌開頭諗住炒肥牛的，但因天氣熱懶得炒，全部雜菌及菜放晒落煲加水一鑊熟，最後加肥牛煮1分鐘加鹽調味就食得，有菜有肉又有湯，岩晒我呢個懶人……哈哈！

豉汁蒸鱸魚，上湯灼菜蕊

昨晚d餸真系超簡單，净系魚同菜……哈哈，但佢两個竟然好開心！因為我平時好小買魚吃的，昨日我同阿仔d同學仔媽咪一齊去天瑞買餸，系街市行佐一大圈都唔知買咩餸，見同學仔媽咪買，我又跟佢買魚，實在諗唔到買咩餸……

意式肉醬意粉，香草蒜味焗雞翼，蒜蓉牛油煎帶子，蒜蓉牛油帶子意粉

又繼續跟【明星愛廚房】學整菜式，今次系跟鄭俊弘提供的食譜去整，我平時整親的肉醬意粉多數系用肉，蕃茄，洋蔥，香草，但鄭呢個食譜系好得意會加埋紅蘿蔔和西芹，我見咁特別所以我跟佢食譜整一次，事實上味道真系唔錯，吃意粉時都可以食到小小蔬菜，唔錯唔錯……見仲有牛油帶子及意粉剩系度，所以两樣加埋撈一撈又食得，方便快捷！

(呢個post系個月的，依家先得閒出……哈哈～)

3.9澳洲牛奶卷，超豐富晚餐

今日同两個小朋友去婆婆屋企同表哥表姐玩，見美心有新產品登場，所以就買一個去婆婆度一齊試吓……每個68蚊，都有小小貴，味道唔錯，人人都話好食，值得一試！

今晚大佬大嫂買佐好多靚餸，整佐好多正餸俾我吃，樣樣餸都大大碟……好好味！始終都系媽媽好原全無錯，返親阿媽度吃飯都系好好餸，超豐富呀，哈哈…… 太幸福了～每次返阿媽屋企我净系負責食同訓架咋！嘻嘻～

畢業10周年聚會(2015.3.21)

唉……時間過得真系快，眨下眼我已經畢業10年，自從畢業後大家都各有各忙，有d同學會繼續讀書而有d就揾野做，對於我黎講肯定系後者喇，因為我唔鐘意讀書，哈哈……  上星期六出席畢業10年後聚會，見返好多好耐無見的同學真系好開心！有好多同學同我一樣以為人母，見到同學的小朋友感覺特別開心！成晚都充滿笑聲歡樂聲……開心極了……....

少老平安，柱猴醬蘿蔔炆牛肋條

老少平安平安我就聽得多，但少老平安則第一次聽，上星期日老公睇完【明星愛廚房】的時候，見到林建明的菜式佢覺得好正，前两日老公話想試，叫我跟住大姐明的方法整一次睇下好唔好食，原來做法都好簡單，但營養價值就非常高！老公話好味，叫我下次要放多d芫茜落去會更加好味，至於d牛肋條早两日佳寶做特價20蚊一磅，難得見佢咁平我更系買返2磅喇，哈哈……平時最平都要26蚊一磅，2磅其實唔多，今次一次過炆晒2磅，一半用黎炆蘿蔔，另一半就留起就咁食，好正！

煙肉蘑菇忌廉汁長通粉

成日吃飯吃到悶悶地間唔中都要轉轉口味，呢個長通粉系盈盈同謙謙ge至愛，今次我全用忌廉和蛋黄做汁，做出黎的確系又香又滑又好味！两條友仔吃晒成碟，佢地真系好勁！！！

香草茄汁肉丸，豆豉鯪魚油麥菜，茄油肉丸意粉

第一次整呢個茄汁肉丸，系跟電視"上門教煮餸"果度學的，味道好好，我覺得呢個茄汁肉丸配意粉黎吃更加正，做法唔難，最衰就系要炸果下先麻煩佐小小，浪費好多油…… 

大年初二～親親大自然@奶奶菜田

今年年初二，我地一家無去婆婆屋企拜年，改佐初三先去，因為老公想初三跑馬日同公公一齊發新年財……結果就系公公和老公都貢獻佐小小銀両俾馬會……哈哈！ 因初一晚留系奶奶家過夜，初二奶奶話要返菜田整野，我地無野做所以跟奶奶返菜田摘菜！两個小朋友拔紅蘿蔔拔得好開心(^ω^)，我地仲摘佐好多菜返屋企呀…嘻嘻～ 奶奶菜田真系整得好企理，好靚！

羊年……年初一

    一連2星期ge新年假已結，今日两小朋友要返學，我依家先有空閒時間寫下blog…… 放假時真系咩都唔想做唔想郁唔想諗，净系想休息休息…… 
     原本老公d朋友話留系我度吃完夜晚飯先走，但因有2個朋話要早走……所以唔食飯，咁我唯有早d整一d下午茶小食俾老公朋友吃，整佐幾樣，可能佢地無食午餐，所以好快清晒，我炸佐3包公仔點心的小食，有春卷，咖哩角，花枝丸，另外仲有炸脆薯格，流沙蛋黃海中蝦，炸雞翼及煎雞翼，以及煎自製蘿蔔糕和薑汁年糕，因太忙ge關係大部分小食都未有影相…… 朋友走佐之後我地一家去佐奶奶屋企拜年及玩啤牌，玩到夜一夜，最後我地一家四口留系奶奶屋企過夜……哈哈～