仲有幾日就到端中節喇,原本今年唔諗住包糭的,早幾日阿仔突然問我媽咪你知唔知2O號星期六系咩節日,我話應該系端午節,佢話系呀……端午節老師話系食糭的節日黎架,你會唔會包糭俾我食呀,我話:應該唔包,阿仔話:媽咪你包俾我食喇,我鐘意食你包ge糭,但系要無咸蛋同埋少d豆好嗎?聽完佢講我咪包小小囉,特登包6隻細細隻無咸蛋同少綠豆俾佢两姊弟,昨日包好新鮮熱辣辣俾佐4隻大ge奶奶,阿囡放學返屋企吃一隻大,謙謙臨吃飯前話肚餓,叫我俾佢食一隻無蛋黃BB糭,老公去完街返屋企一次過吃佐2隻有咸蛋糭,佢話好味喎!見佢地吃得咁滋味,就算包得幾辛苦都值得!今次試包呢款形狀真系好難包,包佐好耐,個幾鐘先包果10條,五角糭仲衰試包佐2隻足足包佐半個鐘有多……唉…… 最後果4隻BB糭我都系包返長方形就算!
記錄一吓自己親手做過的餸菜 , 甜品 , 小食 等等..…… 等自己,家人和阿囡阿仔大個小小時候睇返,佢地細細嘅時候,媽咪整過d咩俾佢地食,等佢地同我自己都有個開心回憶,因人大佐會慢慢忘記一些小事情的! 為免這樣我唯有得閒之時便記錄吓 ^^ 【 自從阿囡阿仔升讀小學之後我就變得忙碌佐,少佐時間打理個Blog 好多時都系無打個食譜出黎.....請見諒……親愛嘅朋友們~ 如果你地要食譜嘅話請留言話我知,我睇到留言後會盡快回覆~~~ # 謙盈媽現時用fb睇野的時間都多嘅, 最快搵到我的方法係去fb搵我或者留言 , 睇到留言後我會盡快回覆~~~】
嘩,妳唔好嚇我喎,我已經買哂粽葉同水草,準備今個禮拜六得閒試包喎,聽完妳咁講有啲驚㖭!!!!
回覆刪除你唔洗驚,可能你一睇就識包呢,唔好俾我嚇親你……哈哈…
刪除講真今次我真系包佐好耐,我對上一两年都有包但都系包長方形,今次試包長形5角同埋正方5角我真系覺得好難,左包右包,包完之後發覺完全變樣,又拆佐佢再包過,所以包佐好耐,我包4角長方形就熟手d!
即係長方形比較易包?
刪除我個人認為系容易d包,5角糭我唔系咁識得折d角位,包出黎好樣衰,過唔到自己對眼,哈哈!
刪除有小朋友梗係要包啦,應下節嘛,我等陣都包。
回覆刪除系喇包小小應下節…… 翠兒包糭肯定好靚!我等睇你製成品(^_^)
刪除小朋友開到聲,好難忍心唔包……
回覆刪除包少少又可以應,仲啱自己口味添~~
系囉,仔女開到聲要我做,我做到ge多數都去做,辛苦系辛苦d,無計喇,講真自己包肯定岩自己口味,同埋健康d價錢又平d,出面一隻糭細細隻無咸蛋無肉净系得肥豬肉都要12蚊一隻隻,真系唔抵食!
刪除