我同老公都中意飲梅酒，今年繼續浸返两樽，其實我想浸多2樽架，可惜我無地方安置佢地…….d梅酒浸得越耐越香醇，越好飲……屋企有一樽已經浸佐2年的梅酒，果日拎出黎飲真系好好飲，同浸佐1年ge梅酒相比真系差好遠～上個月尾我出去元朗買野時見到d青梅大大粒又靚先20蚊2磅，所以買左4磅返屋企浸，其實有d系20蚊3磅架，不過細粒小小同埋無咁靚囉！浸酒我個人認為用大粒黎浸會好d……青梅上面d芒果都好鬼死靚，都系賣20蚊咋，我咁中意芒果更系唔會錯過喇……最終都買佐一份返屋企食 ^^ d芒果我食晒喇～超甜呀！
 |
| 粒粒梅都好靚 2o蚊2磅 |
 |
| 每袋2磅，共4磅， (先用牙簽挑走青梅掟，之後洗乾淨，浪乾水份備用) |
 |
| 2磅梅2支酒1包冰糖 (想甜d……之後可以再加冰糖) # 記住玻璃樽要消毒先好用 ⇒ 用熱滾水洗完之後浪乾先至用 |
 |
| 寫底浸的日期 方便自己日後睇 |
 |
| 呢两樽上年浸的 |
 |
| 左手邊系浸佐2年 右手邊系浸佐1年 |
 |
| 呢两樽系送俾謙謙同學仔媽咪的 (細樽仔系2年梅酒) 同學仔媽咪都話已浸2年的梅酒好飲好多！ |
個個都浸梅酒哩！
回覆刪除自己浸經濟d麻……酒ge甜酸度又可以自由控制，真系唔錯呀！
刪除可能妳哋個個都飲酒啦！
刪除我都唔系特別鐘意飲酒架，不過梅酒酸酸甜甜咁樣再加d冰粒落去真系好好飲，我唔系日日飲，都系間唔中飲下咋 ^o^
刪除我都鐘意飲梅酒, 次次都係買的, 喱度揾唔到 "梅" 買, 真可惜浸唔到!!
回覆刪除祝妳: 母親節快樂!!
祝大家都母親節快樂！
刪除你果邊無青梅買無辦法，香港賣青梅的時間都好短，大約賣2個月左右就無得賣架喇，所以見到岩心水就要買，否則要等下年可以買……