昨晚無煮飯,吃冷烏冬,天熱吃呢d凍野,真系好舒服,好凉爽……上星期日謙謙同學仔媽咪北上去東門買野,佢見到d風扇仔好抵,37蚊一把咋,系香港好多地方都有得買,但賣得都唔平,普遍見到5o~70左右,見37蚊把咁平,我就叫佢幫我買2把,俾两姊弟用,因為呢d天氣去接放學真系好鬼死熱,有佐佢就無咁辛苦喇!
記錄一吓自己親手做過的餸菜 , 甜品 , 小食 等等..…… 等自己,家人和阿囡阿仔大個小小時候睇返,佢地細細嘅時候,媽咪整過d咩俾佢地食,等佢地同我自己都有個開心回憶,因人大佐會慢慢忘記一些小事情的! 為免這樣我唯有得閒之時便記錄吓 ^^ 【 自從阿囡阿仔升讀小學之後我就變得忙碌佐,少佐時間打理個Blog 好多時都系無打個食譜出黎.....請見諒……親愛嘅朋友們~ 如果你地要食譜嘅話請留言話我知,我睇到留言後會盡快回覆~~~ # 謙盈媽現時用fb睇野的時間都多嘅, 最快搵到我的方法係去fb搵我或者留言 , 睇到留言後我會盡快回覆~~~】
個個碟都照哂鏡,可想而知係幾咁好味呢^0^
回覆刪除把風扇重唔重咖?
夏天吃凍冰冰ge野系特別好味!
刪除小月部風扇唔重咖,佢系用USB叉電的,唔洗成日買電池真系好好用,風力好好,真系好多用,依家出街好多人用緊!
個豬頸肉沙律賣相好掂喎!
回覆刪除天氣咁鬼熱,唔怕寒涼的話真係最好成日都食沙律、冷麵、涼拌之類。
如果唔系要就小朋友我真系日日食沙律,冷麵,麵包就可以,唔洗煮到身水身汗
刪除咁又唔好,太寒涼喇,尤其係女仔,真係唔好食咁多凍嘢、生冷嘢,我曾經識得一位女同事,佢話佢自己超鍾意飲凍嘢,幾乎日日都去「Starbucks」買佢嘅至愛凍飲,所以經痛得好犀利,但佢都唔知死,繼續係咁飲,卒之真係出事,痛到要入醫院,之後佢就的起心肝要減飲凍飲,情況真係改善咗。我聽完之後就知道原來成日飲食凍食物真係會咁傷,應該係因為血液長期受冷,導致血液循環唔流通。
刪除我喺香港買把扇$50
回覆刪除系香港買系會貴小小,5O蚊我唔舍得買,哈哈……
刪除睇見都想食,比街賣的更吸引!
回覆刪除日日都要諗煮咩餸俾佢地食真系諗到頭都爆,買完仲要煮,唉……… 真系辛苦命……哈!
刪除