大佬生日，西九龍行街吃野

原本呢個月27號（星期四）
就系大佬牛一正日的日子，

因時間上問題我地系上星期六已經提早同大佬吃飯慶祝了，

我地齋人坐埋一齊真系好開心，

有好多講唔完的話題，

一家人坐埋一齊吃飯真系人生一大樂事，

時不時細聲講大聲笑……

*^O^*吃完飯……

就吃蛋糕慶祝……

3磅重的芒果脆脆蛋糕
好好味！(美心買嘅)

大佬＆大嫂

霸王花雪梨瘦肉湯

呢d天氣一不留神就好易病，

唔想病就系要飲多d湯水增強身體抵抗力，

我咁大個女都系第一次用霸王花乾煲湯，系謙謙同學媽咪教我煲架，

味道OK，好清好甜又好潤，好好飲！

呢個又清又甜又潤

蒜蓉鮑魚蒸粉絲，蠔油玻璃生菜，鯪魚襄豆腐，雜果粟米薯仔蛋沙律

今日又繼續玩攪肉機，今次玩攪蒜蓉，昨日出佐去元朗，見d鮑魚都幾靚，於是買佐小小，呢度有9隻合共48元，貴唔貴我真系唔知，因為我無過，嘻嘻……

大蓮鲍鱼

新玩具攪肉機，電動咖啡杯，咸魚蒸肉餅，元貝木耳炒西芹

昨日系新北江買佐部手動攪肉機，細細部都幾得意同埋好實用，150蚊一部，又唔系好貴，佢就送埋一隻電動咖啡杯，今日就試佐部攪肉機，效果好好，以後整肉餅我就唔洗猛咁剁豬肉了……果隻電動咖啡杯唔知好唔好用，等我天日又試下玩先……(^ω^)

一家大細北上飲喜酒，探太嫲

對上一次返老公鄉下系2008年，盈盈果時先歲幾大人仔仲未够2歲，謙謙果時系我肚裏面，哈哈…… 果次都系返去飲喜酒，昨日返去的目的都系飲喜酒和探太嫲（盈盈謙謙叫的太嫲即系我老爺的媽咪），因為太嫲年紀都好大，有80幾歲了，但系未見過謙謙，因為謙謙無返過大陸的，太嫲見過一次盈盈，太嫲見到我地成家返齊晒去探佢，佢好開心，今次個新朗哥系我老公的表弟，即是系我老公阿姨的仔，今次返大陸飲酒好開心！

盈盈謙謙同一對新人影相

薑汁湯圓，冬陰公大蝦湯，竹蔗茅根馬蹄紅蘿蔔水

祝大家：元宵節＆情人節快樂

沒有情人的情人節…… *^O^*
老公話我唔系佢情人喎，
只系佢老婆咋(>﹏<)

同老公一齊食薑汁湯圓 (＾_＾)

呢幾日真系凍得好緊要，天水圍連續幾日都系5度左右，真系凍到想攞我命咁，難為死我要6點鐘起身整早餐俾两個小朋友食，起身果下真系好辛苦，昨日突然想飲冬陰公湯，於是就買野試煲，第一次系屋企煲冬陰公湯，哈哈……

忌廉火腿薯茸方包，家姐到訪

寒冷天氣下心血來潮想整包包，諗返起我都有一段時間無做包了，昨晚真系好凍好凍，我部電話顯示6度咋，嘩……真系好凍呀！凍到我ge包包都發唔起，發酵佐4個鐘先至漲大小小，最後我要將麵團放入去微波爐入面再加一杯滾水之後關實微波度門先發得大，天氣太凍，真系不宜自家制面包，凍到d酵都唔識郁(╯з╰)

芝士肉醬意粉，南北杏木瓜雪耳糖水，肥牛炒青瓜 , 香煎豬頸肉 , 蒜茸西蘭花

悠長新年假唔經唔覺又完結了，

两個小朋友又要返學了，

而我又要早起身(╯з╰)無得再訓晏d

又要一日走幾轉，諗起都驚⊙_⊙

今晚做無飯煮婦，

是日晚餐：芝士肉醬意粉

芝士肉醬意粉

鎐柱臘味蘿蔔糕(附食譜) ，芋頭糕

新年前（年廿八）整的蘿蔔糕，原本今年唔打算整的，其實上年我都有整，今次就系因為謙謙同學仔俊俊媽咪失驚無神送佐一底佢自己整的蘿蔔糕送俾我，阿女同老公食完話好食，問我整唔整，見佢地想食，我咪買d野返黎整下囉！

雜丸勝瓜湯米線 , 吞拿魚蟹柳蒸水蛋 , 臘腸蟹柳炒翠玉瓜

老公今朝問我早餐有咩食? 

我貪方便於是

早餐 + 午餐 一次過煮埋 , 
哈哈.......

雜丸勝瓜湯米線