咸湯丸(附食譜)

今朝早老公訓系床問我一陣煮咩食，我答佢唔知煮咩好，俾我訓多一陣，再諗吓煮咩先轉頭答，訓醒俾我諗起新年前整年糕用仲剩佐一包糯米粉，費事d粉放得耐有"焊'' 味，唔諗咁多今日一於用糯米粉煮咸湯丸食，^^好好食的~ 同埋做法其實都好簡單，湯丸配料亦好隨意，雪櫃有咩放咩就可以，無特定配料的，配料最緊要自己喜歡食! 阿囡一起身問我食嘜，我叫佢自己睇，佢一望就話大雜會呀嘻嘻，媽咪你今日又黎一次過早餐+午餐一齊食呀哈哈，我答佢系呀，我呢排懶呀嘛，唔想煮完早餐晏小小再煮午餐，所以一次過煮多d早餐食完晏d又可以食! 快~靚~正~呀~

鹽焗烏頭魚(附食譜) ，氣炸蝦丸， 腐乳通菜

😋今晚整鹽焗烏頭魚🐟🐟🐟簡單易整又鮮味，好正架 , 就算唔識煮飯嘅人都識整，真系毫無難道的，最緊要系買烏頭魚果時記得記得叫人🙅‍♀️唔好打魚鱗，魚鱗系焗果時的作用系隔住d鹽同鎖住d油分同水分流失的，所以一定唔好打鱗! 超級簡單咁焗條魚，真係快靚正, 用鹽黎焗熟d魚肉好鮮甜架，同埋呢款魚唔多細骨，岩我食，識我嘅人都知我細個試過哽骨，之後就怕佐食魚，同唔多喜歡食新鮮魚的，哈哈~  需則我唔食魚，但我都要間唔中會買魚整俾小朋友食嘅!

氣炸蕃薯

自從有佐個氣炸鍋之後，我就買多佐蕃薯放系屋企做後備，一想食就可以焗小小黎食，氣炸爐細細部焗蕃薯俾起用焗爐焗更加快同慳時間，如果我用焗爐焗4條蕃薯我覺得好浪費電同地埋唔化算，我今次一次過買佐3款蕃薯，價錢大家都一樣10蚊一磅，3款都甜嘅，但甜度同質感就3款都唔同，我自己比較鐘意越南種植日本蕃薯同一點紅多d，阿囡最喜歡食中間果款就系越南種植嘅日本蕃薯🍠呢款系特別香甜嘅👍其他果d佢唔食😑

最前: 中國七里香蕃薯
中間: 越南種植日本蕃薯
右邊: 中國一點紅蕃薯

香蔥芝士紫菜肉鬆咸蛋糕(附食譜)

💃今日放假我又整蛋糕喇👩‍🍳🍰今次整嘅系新口味😜亦系我第一次整嘅紫菜肉鬆，仲有芝士🧀🧀【香蔥芝士紫菜肉鬆咸蛋糕】好正，好香，好好食👍細佬同家姐都話加佐芝士好好味，食完一件又一件，食唔停口，咸咸地的確系好好食，唔似得其他芝士蛋糕甜同漏，呢款蛋糕用砂糖份量唔多，就算食多兩件都唔怕肥 ! 下午茶或早餐食呢款蛋糕再加杯鮮奶或者咖啡，嘩~ 正到爆😂😂😂

^ 0^食譜已經寫好了, 在最後面 !

蒜蓉豆豉排骨炆涼瓜，香辣胡椒咸酸菜炆腩肉，蕃茄薯仔湯

我琴日放假問老公想食乜餸，佢話想食蒜蓉豆豉涼瓜炆排骨，但要求我d涼瓜唔好煮咁腍……我問佢我之前煮果d好腍咩，佢話系呀，煮得太腍入口即溶唔洗咬唔鐘意，哈哈~ 好喇答應你今次唔煮咁耐，唔會煮到爛晒入口即溶😄 就咁喇，我唔洗煩，一於整涼瓜炆排瓜，諗少一個餸己經好好，之後諗起早幾日同事俾佐d咸酸菜我，系同事朋友己整的佢話無防腐劑，岩喇等我買d腩肉返黎煮，咁又有多一個餸，煲多個蕃茄湯咁就得喇!

氣炸一口西多士 (附做法)

下午茶時間又到喇~ 我今日整氣炸一口西多士，做法簡單又好食，上星期阿囡已經整過，我今日得閒又再整，方便食我直頭切晒細細舊，整好再加d練奶上去真系好好食!

伯爵茶戚風蛋糕(附食譜)

太耐無整蛋糕了，大大話話都有成年無整蛋糕了，原味同斑蘭味戚風蛋糕整過好幾次，但呢個伯爵茶戚風蛋糕則系我嘅第一次，好在無生疏同無失手姐，製成品依然系咁靚，嘻嘻～ 唉! 當我動手整蛋糕時先發覺屋企d奶飲晒，唔落鮮奶去整我硬系覺得爭dd，見雪櫃有練奶，於是加返小小練奶落去，哈哈! 見焗盤仲有小小位置，一於放幾條蕃薯落去一齊焗，正呀!

😁製成品味道唔錯，蛋糕組織好靚，甜度適中，好食，如果茶味再濃d會更加好，如有下次我要放3~4個茶包先得^^ 

 食譜系最後面 ! 

氣炸椒鹽四季豆，粟米肉粒

實在太耐無打理我個blog了~ 呢排多佐空閒時間出黎，我真系要多返d上黎記錄返同分享吓我煮嘅餸菜至得~~ 近排我愛上了玩氣炸食物，哈哈🤭 試過氣炸過雞亦，雞脾，金沙骨等等…之類嘅食物，今日介紹吓我阿囡阿仔都好喜歡食嘅餸菜，就呢個氣炸椒鹽四季豆，簡單得黎又好味，我自己都好喜歡食😋仲有仲有粟米肉粒，呢個餸用黎配飯食真系超級正架👍

川貝蘋果雪梨乾雪耳湯

各blog友大家好! 我一上黎又系果句🤭好耐無上黎喇~哈哈…😬今日介紹一款湯水俾大家【止咳化痰潤肺湯】功效唔錯架👍上星期煲嘅，好清甜 !

支竹豆腐火腩，香辣豉椒炒蜆，西洋菜墨魚湯

嘩~ 原來我成半年無系呢個blog度寫野了😅今晚訓唔著就想黎呢度寫吓野，嘻嘻~ 講真近排工作確系有d忙，完全唔得閒黎post吓野，我真系一有時就休息或者打理家務，真系唔多時間黎呢度分享，請blog友們見諒見諒!!!之後得閒我會多d黎同大家分享吓近況同埋好好打理吓我自己個blog~ 再唔打理吓，我個blog就會長滿雜草架喇🤣

前排(9月尾整嘅餸)我自己突然好想做返個記錄同埋想同大家分享吓 (*^ω^*)~ 豆腐火腩我第一次整呢個餸，唔識當然上網學人整喇，平時好多人會講嘅男人的浪漫😆哈哈~ 佢系咩? 佢咪就系⇒豆腐火腩囉，簡單的黎又好味嘅一道餸😋 之後再黎炒多一碟阿仔同阿囡都好喜歡嘅餸，佢就系🌶 香辣豉椒炒蜆🥰