香蕉牛油蛋糕

四條蕉摆系度成個星期都無人食，

起晒梅花點，蕉味又香又甜，

拎黎整蛋糕一流，

昨日俾我拎佐黎整香蕉牛油蛋糕，

蛋糕一出爐盈盈已經吃佐2杯，

另外果d雪凍佐今日切片做下午茶……

初三……赤口

年初三係赤口……不宜拜年

最好就系一家大細系屋企吃賀年糖果，

煎一些賀年小食同大家一齊食最好不過，

今日下午我煎佐一底自制馬蹄糕，

馬蹄糕煎香黎食真系好正！

仲煎佐小小椰汁年糕，

年糕系婆婆俾的，味道一般！

2014 新年快樂，開年喇……

開年喇……今日系大年初二，我系呢度祝大家馬年龍馬精神，身體健康，財源廣進，笑口常開……我祝小朋友就快高長大，學業進步(^ω^)

～2014馬年快樂～

冬菇金針紅棗雲耳蒸雞 , 支竹蓮藕炆骨腩

家庭主婦呢份工真系唔易做，

日日都要諗吃咩餸菜而煩惱，真系煩…

有時日日食黎食去都系果幾味，

又真系幾悶，哈哈～

諗諗下太耐無整蒸雞食，

一於整返餐下先，

d人成日話驚吃雞會感染到H5N9禽流感，

我就唔驚，蒸耐d就唔怕有事架喇！

未蒸的樣子

懶人版蒜泥白肉 , 牛柳絲炒雜菇 , 蒜茸白菜仔

簡簡單單又一餐係我的宗旨........

哈哈 !!!

懶人版蒜泥白肉

川貝羅漢果雪梨茶

早排見两個小朋有小小咳，

我就煲佐一大煲川貝雪梨茶放系度，

等佢地當水飲，

呢款茶都有止咳化痰作用架。

蘿蔔炆牛肋條

天冬我都幾中意整炆餸 , 

蘿蔔炆牛腩我同老公都中意食 , 

不過依家d新鮮牛腩好貴 , 

太貴搞到我唔想買 , 但係我又想食 , 

唯有買冰鮮牛肋條代替 , 

我覺得呢隻牛肋條唔錯 , 牛肉味道幾好 , 

用佢黎炆蘿蔔真係好好味 , 

我係佳寶買的 , 

一包牛肋條大約60蚊左右喇 .....

自製蜜汁叉燒，麻醬雜菜雞沙律，香蕉方包

 

昨日我整的晚餐, 無煮飯就係食呢d , 仲有雜丸通粉 , 

不過我唔記得影相 ,

呢個蜜汁叉燒我足足醃佐2日 ,  夠晒入味 , 老公話好好食 , 

好正 , 仲要我留一大件俾佢帶返工食 . 

個沙律個個大讚好食 , 

盈盈同謙謙食佐好多 , 真係好鬼正 ! 

呢d沙律菜係元朗先有的賣 , 

一大碟先至25蚊左右 , 真係好抵 ! 

川貝虎乳零芝雪梨燉湯

盈盈真煩......

唔聽我講吃多佐薯片 , 

搞到自己係咁咳 , 

見佢岩岩開始有幾聲咳 , 

我啦啦淋燉川貝虎乳零芝雪梨湯俾佢飲 , 

費事佢越咳越勁 , 所以燉湯呢個湯佢飲最好 ! 

燉湯材料

意式香草肉醬扭扭粉 , 粟米雜果蛋沙律

謙謙的長假期玩埋今日就要結束了 ,

足足放佐2個星期玩到人都傻 ,

哩排放假真係放到傻佐 , 

昨日盈盈本來要返奧數興趣班的 , 

我竟然唔記得佐 =_=" ,

學校唔打電話黎我都唔知道要返 , 

結果遲大到 , 我真大頭蝦 ,

搞到盈盈遲佐半個鐘先返到去 , 

哈哈........ 真失魂 !